बनावट फेसबुक अकाऊंट तयार करणाऱ्या सायबर गुन्हेगारांचा सुळसुळाट झाला आहे. सायबर गुन्हेगारांकडून बहुतांश सर्वसामान्य लोकांना टार्गेट केलं जातं. मात्र गेल्या काही दिवसांत सायबर गुन्हेगारांची मंत्री, सरकारी अधिकाऱ्यांचे बनावट फेसबुक अकाऊंट तयार करण्याची हिंमत वाढली आहे. याच सायबर गुन्हेगारांनी थेट मंत्री हसन मुश्रीफ यांचं बनावट फेसबुक अकाऊंट तयार केल्याची बाब उघडकीस आली आहे. याप्रकरणी पोलिसांत गुन्हा दाखल करण्यात आला आहे. या घटनेने राजकीय वर्तुळात खळबळ उडाली आहे. (Latest Marathi News)
सायबर गुन्हेगारांनी थेट वैद्यकीय शिक्षणमंत्री हसन मुश्रीफ यांच्या नावे बनावट फेसबुक अकाऊंट तयार केल्याची धक्कादायक बाब उघडकीस आली आहे. या गुन्हेगारांनी मुश्रीफ यांच्या फेसबुक अकाऊंटचा मजकूर कॉपी करून थेट बनावट अकाऊंट तयार केलं आहे. ही धक्कादायक बाब उघडकीस आली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
कोल्हापूरचे पालकमंत्री हसन मुश्रीफ हे दैनंदिन कामकाजाची माहिती सोशल मीडियाच्या माध्यमांतून लोक, कार्यकर्त्यांना देत असतात. अनेक मेळावे आणि पत्रकार परिषद फेसबुक लाईव्ह करतात. मात्र,सायबर गुन्हेगाराने मंत्री मुश्रीफ यांच्या बनावट फेसबुक अकाऊंट तयार केले आहे. या बनावट अकाऊंटवरून काही कार्यकत्यांशी संवाद साधल्याची माहिती समोर आली आहे.
दरम्यान, बनावट फेसबुक अकाऊंट तयार केल्याप्रकरणी पालकमंत्री हसन मुश्रीफ यांचे सोशल मीडिया हँडल करणारे सुशांत डोंगळे यांनी कागल पोलिसांत तक्रार दाखल केली आहे. पोलिसांकडून अज्ञात व्यक्तीविरोधात तक्रार दाखल करण्यात आली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.