खोटं धर्मांतरण करून दुसरं लग्न, पोलीस कर्मचाऱ्याला सेवेतून बडतर्फ; धुळ्यात खळबळ

भूषण अहिरे, साम टिव्ही

खोटं धर्मांतरण करून दुसरं लग्न केल्याप्रकरणी पोलीस कर्मचाऱ्याला सेवेतून बडतर्फ करण्यात आलं आहे. ही धक्कादायक घटना धुळ्यात घडली आहे. पोलीस कर्मचारी आझाद नगर पोलीस ठाण्यात कार्यरत होते. त्यांचे पूर्वी देखील लग्न झाले होते. मात्र, तरीही एका अन्य धर्मीय महिलेचे खोटे धर्मांतरण करून पोलीस कर्माचाऱ्यानं लग्न केलं. या प्रकरणानंतर परिसरात खळबळ उडाली आहे.

शाकिब शेख असे पोलीस कर्मचाऱ्याचे नाव आहे. शाकिब आझाद नगर पोलीस ठाण्यात कार्यरत होते. त्यांचं यापूर्वीही लग्न झाले होते. मात्र, त्यांना दुसऱ्यांदाही लग्न करायचं होतं. अन्य धर्मीय महिलेचे खोटे धर्मांतरण करून शाकीब यांनी दुसरे लग्न केले. या कारणामुळे त्यांना चौकशीसाठी सेवेतून बडतर्फ करण्यात आले आहे.

या प्रकरणी शाकिब शेख यांच्यासह त्यांच्या आई-वडिलांविरुद्धही गुन्हा दाखल करण्यात आला आहे. सुरुवातीला स्थानिक स्तरावर चौकशी झाल्यानंतर विभागीय चौकशी करण्यात आली. चौकशीच्या निष्कर्षानुसार, धुळे जिल्हा पोलीस अधीक्षकांनी शाकिब शेख यांना तात्काळ सेवेतून बडतर्फ करण्याचा निर्णय घेतला.

खोटं धर्मांतरण केल्याप्रकरणी जिल्ह्यातला पहिला पोलीस कर्मचारी सेवेतून बडतर्फ करण्यात आला असून, अत्यंत जलद गतीने चौकशी करून ही कारवाई करण्यात आलेली आहे. त्यामुळे संपूर्ण पोलीस दलामध्ये खळबळ उडाली आहे. या घटनेची माहिती परिसरात पसरताच स्थानिकांनीही संताप व्यक्त केला.