ओवेसींच्‍या घरावरील हल्‍ल्‍याचा धुळ्यात निषेध

धुळे : एमआयएम पक्षाचे अध्यक्ष असवुद्दीन ओवेसी यांच्या दिल्ली येथील निवासस्थानावर झालेल्या हल्ल्याचा धुळ्यात निषेध करण्यात आला. आमदार शहा यांनी मोर्चा काढला असता पोलिसांनी त्‍यांना ताब्‍यात घेतले. (dhule-news-dehli-ovesi-home-attack-protest-dhule-mim-mla-farukh-shha)

एमआयएम पक्षाचे अध्यक्ष असवुद्दीन ओवेसी यांच्या दिल्ली येथील निवासस्थानावर झालेल्या भ्याड हल्ल्याचा निषेध करण्यासाठी धुळे शहराचे आमदार फारुख शहा यांच्यासह पक्षाचे पदाधिकारी व कार्यकर्ते संतप्त झालेले बघायला मिळाले आहे.

या भ्याड हल्ल्याचा निषेध करण्यासाठी आमदार फारुख शहा व पक्षाच्या कार्यकर्त्यांनी व पदाधिकाऱ्यांनी धुळे शहरातून निषेध मोर्चा काढला. हा निषेध मोर्चा जिल्हाधिकारी कार्यालयाच्या परिसरात असलेल्या क्युमाईन क्लब या ठिकाणी पोहोचताच पोलिसांनी आक्रमक झालेल्या आमदार फारुख शहा यांच्यासह एम आय एम च्या कार्यकर्त्यांना व पदाधिकाऱ्यांना ताब्यात घेतले आहे. त्यावेळी आक्रमक झालेल्या एम आय एम च्या पदाधिकारी व कार्यकर्त्यांनी निषेध व्यक्त करण्यासाठी मोठ्या प्रमाणात घोषणाबाजी देखील केली आहे.