फडणवीसांपासून दूर रहा; ट्विट करत अनिल गोटेंचे मुख्यमंत्र्यांना पत्र

धुळे : धुळ्याचे माजी आमदार तथा राष्ट्रवादी काँग्रेस पक्षाचे ज्येष्ठ नेते अनिल गोटे यांनी नवनिर्वाचित मुख्यमंत्री एकनाथ शिंदे यांना उपमुख्यमंत्री देवेंद्र फडणवीस यांच्यापासून सावध राहण्याचे पत्रच ट्विट केले आहे. (dhule news Anil Gote letter to the Chief Minister eknath khadse)

राष्‍ट्रवादी (NCP) कॉंग्रेसचे नेते अनिल गोटे यांनी मुख्यमंत्री एकनाथ शिंदे (Eknath Shinde) यांना मुख्यमंत्री पदाच्या शुभेच्छा देत तुमच्यापेक्षा जास्त पानकाळे खाल्ले असल्यामुळे वडीलकीचा सल्ला देतो; असे म्हणत गोटे यांनी मुख्यमंत्री एकनाथ शिंदे यांना उपमुख्यमंत्री देवेंद्र फडणवीस यांच्या शब्दावर विश्वास ठेवू नका. हा सल्ला मानला तर फायदा आपलाच होईल व किमान फसवणूक, नंतर पश्चाताप होणार नाही. ही एक लाख टक्के खात्री देतो या आशयाचे पत्र ट्विट केले आहे.

फडणवीसांनी छळ केला

देवेंद्र फडणवीस हे मुख्यमंत्री असताना त्यांना माझा काडीचाही त्रास नसताना देखील त्यांनी त्यांच्या इतपतच हलकट, लबाड, धोकेबाज व भ्रष्ट दुराचारी मित्रांचा आत्मा संतुष्ठ करण्यासाठी माझ्यासारख्या धनगर समाजातील कार्यकर्त्याचा छळ केला असल्याचा उल्लेख देखील गोटे यांनी या पत्रकामध्ये केला आहे.