पंढरपूर : पंढरीच्या वारीत यंदा प्रथमच माऊली स्कॉड काम करणार आहे. तर शहरातील गर्दीवर सीसीटिव्हीद्वारे वारीवर पोलिसांचे (Police) लक्ष राहणार आहे. (pandharpur news police wacth CCTV look at Ashadi Yatra Cameras in 29 squares)
दोन वर्षाच्‍या खंडानंतर विठुमाऊलीचे भक्‍त आषाढी वारीला (Ashadhi Wari) यंदा जात आहेत. यामुळे यंदा आषाढी वारीसाठी भाविक मोठ्या संख्येने येण्याची शक्यता आहे. वारी दरम्यान पंढरपूर (Pandharpur) शहरात कोणतीही अनुचित घटना घडू नये; यासाठी पोलिसांनी प्रथमच आषाढी वारीमध्ये होणाऱ्या गर्दीमधील हालचालीवर आता लक्ष ठेवण्यासाठी सीसीटीव्ही कॅमेरे (CCTV Camera) बसविण्यात आले आहेत.
९० कॅमेरे लावले
विठ्ठल मंदिर परिसरासह शहरातील प्रमुख २९ चौकात ९० सीसीटिव्ही कॅमेरे बसवले आहेत. या कॅमेऱ्याच्या माध्यमातून मंदिर परिसर, वाळवंट, प्रदक्षिणा मार्ग येथे प्रामुख्याने लक्ष राहणार आहे. संत नामदेव पायरी मंदिर परिसरात होणारी भाविकांची गर्दी पुढे सरकवण्यासाठी पहिल्यांदाच माऊली स्कॉड तयार केले आहे. १२ पथकांमध्ये १२० पोलीस कर्मचारी काम करणार आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
