घुळे पालिका प्रशासनाच्या अतिक्रमण विभागातर्फे आज (बुधवार) धुळे शहरातील जुना आग्रा रोड परिसरातील अतिक्रमणे हटविण्यात आली. या धडक कारवाईची शहरात जाेरदार चर्चा सुरु आहे. (Maharashtra News)
धुऴे पालिकेने आज वाहतुकीस अडथळा ठरत असलेल्या व रस्त्यामध्ये हातगाडीवर विविध प्रकारच्या मालाची विक्री करणाऱ्या हातगाडी धारकांवर कारवाई केली. ज्या दुकान मालकांनी आपल्या दुकानासमोर अतिक्रमण करून अडचण निर्माण करण्याचा प्रयत्न केला अशा दुकानांवर देखील कारवाई करण्यात आली.
गेल्या काही दिवसांपासून पालिका प्रशासनातर्फे वारंवार या अतिक्रमण धारकांना अतिक्रमण काढण्यासंदर्भात सूचना देण्यात आलेल्या होत्या. परंतु पालिका प्रशासनाच्या या सूचनेकडे दुर्लक्ष करत या अतिक्रमण धारकांनी आपले अतिक्रमण कायम ठेवल्यामुळे आज पालिका प्रशासनातर्फे आज धडक कारवाई करण्यात आली.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
भाजीपाला विक्रेते त्याचबरोबर इतर मालविक्रेत्यांना ठरवून दिलेल्या जागेमध्येच त्यांनी आपल्या मालाची विक्री करावी असे आवाहन पालिका प्रशासनातर्फे करण्यात आले आहे. यापुढे देखील अशाच प्रकारे अतिक्रमण कारवाई सुरू ठेवणार असल्याचे देखील अतिक्रमण विभागातर्फे स्पष्ट करण्यात आले आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.