Dhule Corporation : जीर्ण व धोकादायक १५६ घरांना धुळे महापालिकेकडून नोटीस

धुळे : पावसाळ्याच्या पार्श्वभूमीवर महापालिकेकडून सर्व्हे करण्यात येत असतो. त्यानुसार धोकेदायक व जीर्ण असलेल्या इमारती खाली करण्याच्या सूचना दिल्या जातात. अशा धुळे शहरातील १५६ इमारत मालकांना धुळे महापालिकेकडून नोटीस बजावण्यात आल्या आहेत. 

पावसाळा सुरू झालेला असताना अशा परिस्थितीमध्ये जीर्ण व धोकादायक इमारतींचा प्रश्न उपस्थित होत असतो. (Dhule) यावर्षी देखील पालिका प्रशासनातर्फे अशा जीर्ण व धोकादायक इमारतींचा सर्वे करण्यात आला असून जीर्ण झालेले व धोकादायक असलेल्या १५६ घरे व इमारतींना पालिका प्रशासनातर्फे नोटीस देखील बजावण्यात आली आहे. ही सर्व १५६ घरे व इमारती पावसाळ्यामध्ये वास्तव्यात राहण्यासाठी योग्य नसल्याने या ठिकाणी तेथील रहिवाशांनी अशा धोकादायक घरांमध्ये राहू नये; अशा सूचना (Dhule Corporation) पालिका प्रशासनातर्फे देण्यात आल्या आहेत. 

महापालिकेकडून दरवर्षी हि प्रक्रिया राबविली जाते. मात्र नागरिक या नोटिसींना प्रतिसाद न देता तेथेच राहत असतात. यंदा देखील हि प्रक्रिया राबविली गेली असून जोरदार पावसाच्या सरी कोसळल्यानंतर या जीर्ण व धोकादायक इमारतींची पडझण होऊन जीवितहानी होण्याची शक्यता असल्यामुळे, येथील रहिवाशांना या घरांमध्ये न राहण्याच्या सूचना पालिका प्रशासनातर्फे देण्यात आल्या आहेत.