Dharashiv crime : चालकाची चलाखी! ATM मध्ये भरण्याऐवजी बॅंकेचे ₹ ८५ लाख घेऊन पळाला; कर्नाटकापर्यंत तपासचक्रे फिरली अन्...

बालाजी सुरवसे 
धाराशिव : एटीएम मशीनमध्ये कॅश भरण्यासाठी स्वतंत्र वाहनांची व्यवस्था असते. ही गाडी दिवसभरात वेगवेगळ्या एटीएम मध्ये जाऊन भरणा (dharashiv News) करत असतात. मात्र अशाच प्रकारे भरणा करण्यासाठी दिलेले ८५ लाख रुपयांची रक्कम घेऊन गाडीवरील चालक फरार झाला होता. त्याच्यासह अन्य दोघांना (Police) पोलिसांनी ताब्यात घेतले आहे.  (Breaking Marathi News) 

धाराशिव जिल्ह्यातील तुळजापूर शहरातील एचडीएफसी बँक (Bank) येथील एटीएममध्ये कॅश भरण्यासाठी आलेल्या गाडीच्या ड्रायव्हरने तब्बल ८५ लाख रुपये घेऊन पळ काढल्याची घटना आठ दिवसांपूर्वी घडली होती. त्या (ATM) अनुषंगाने पोलिसांकडून तपास सुरु होता. पोलिसांनी तपासाची चक्रे फिरवत तीन आरोपींना कर्नाटक राज्यातून ताब्यात घेतले आहे. त्यांनी केलेला चोरीचा गुन्हा देखील मान्य केला आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

संपूर्ण रक्कम हस्तगत 

पोलिसांनी ताब्यात घेतलेल्या तिघा आरोपींकडून सर्व ८५ लाख रुपयांची रक्कम हस्तगत केली आहे. तसेच त्यांनी आणखी काही ठिकाणी चोरीचे प्रकार केले आहेत का? याबाबत पोलिसांकडून चौकशी सुरु आहे. अशी माहिती जिल्हा पोलीस अधीक्षक अतुल कुलकर्णी यांनी दिली आहे.