Dharashiv Crime: डान्सरसोबत अनैतिक संबंध! बायकोचा फोन आला अन् राडा झाला, तरुणानं घेतला टोकाचा निर्णय

बालाजी सुरवसे, साम प्रतिनिधी

काही दिवसापूर्वी जामखेडमधील कला केंद्रातील एका नर्तकीनं अनैतिक प्रेम संबंधात आत्महत्या केल्याची घटना घडली होती. आता पु्न्हा तशीच घटना घडलीय. कला केंद्रमधील नर्तकीच्या प्रेमात असलेल्या एका तरुणाने आत्महत्या केलीय. ही घटना धाराशिवमध्ये घडलीय. याघटनेने धाराशिव जिल्ह्यात खळबळ उडालीय.

अश्रुबा अंकुश कांबळे वय वर्ष 25 असं आत्महत्या करणाऱ्या तरुणाचे नाव आहे. धाराशिवमधील साई कला केंद्रमध्ये नृत्य काम करणाऱ्या महिलेशी अश्रुबा कांबळे याचे प्रमे संबंध होते. अश्रुबा हा विवाहित होता. दरम्यान प्रेयसी आणि त्याच्यात वाद झाल्यानंतर त्याने गळफास घेत आत्महत्या केली अशी माहिती पोलिसांनी दिलीय.

मृत आश्रुबा कांबळे हा रुई ढोकी या गावचा आहे रहिवाशी होता. गेल्या पाच वर्षापासून यांच्यात अनैतिक प्रेमसंबंध होते. मिळालेल्या माहितीनुसार, मृत तरुण आणि तरुणी शनि शिंगणापूर येथे काल देवदर्शनाला गेले होते. देवदर्शन करून परतत असताना झाला वाद होता. परतीचा प्रवास करत असताना अश्रुबाला त्याच्या बायकोचा फोन आला त्यानंतर नृतकी प्रेयसी आणि अश्रुबा यांच्यात वाद झाला.

प्रेयसी रुसल्यानंतर त्याने आपण आत्महत्या करून घेऊ अशी धमकी दिली. मात्र त्यावेळी त्याच्या प्रेयसीनं त्याच्या धमकीकडे दुर्लक्ष केल. दरम्यान याप्रकरणी येरमाळा पोलिसात गुन्ह्याची नोंद करण्यात आलीय. पोलिसांनी घटनास्थळाचा पंचनामा केला. त्यानंतर पोस्टमार्टम करून प्रेत नातेवाईकांच्या ताब्यात देण्यात आले. आरोपी महिलेलाही पोलिसांनी ताब्यात घेतले असून पोलीस तिची चौकशी करत आहेत.