Crop Loan : शेतकऱ्यांना कर्ज नाकारणाऱ्या बँकांना देवेंद्र फडणवीसांची तंबी, पाहा Video

शेतकऱ्यांना पीक कर्ज देताना बँका जर सिबीलची मागणी करत असतील तर त्यांच्यावर एफआयआर दाखल केली जाईल, अशी तंबी उपमुख्यमंत्री देवेंद्र फडणवीस यांनी राष्ट्रीय बँकांना दिलीय. ते खरीप पूर्व हंगाम बैठकीनंतर माध्यमांशी बोलत होत होते. सिबीलची मागणी करत पीक कर्ज देण्यास टाळाटाळ करणाऱ्या बँकांवर कारवाई केली जाईल, अशी माहिती उपमुख्यमंत्री देवेंद्र फडणवीस यांनी साम टीव्हीशी बोलतांना दिली.

यावेळी बोलताना देवेंद्र फडणवीस म्हणाले, मुख्यमंत्री एकनाथ शिंदेच्या नेतृत्त्वाखाली दोन बैठका झाल्या. एक बैठक स्टेट लेव्हल बँकांची होती तर दुसरी बैठक ही खरीप हंगामासंदर्भात होती. या बैठकीत रिझर्व्ह बँकेच्या प्रतिनिधींना आणि स्टेट बँकेच्या कमिटीला सांगण्यात आलं की,शेतकऱ्यांना कर्ज देताना सिबीलची मागणी करू नये. जर ज्या बँका सीबिलची अट ठेवून कर्ज नाकारत असतील त्यांच्यावर आम्ही त्यांच्यावर एफआयर टाकू. हीच माहिती तुम्ही बँकेला द्या, अशा सुचना आरबीआयच्या प्रतिनिधींना आणि राज्य पातळीवरील बँक कमिटींना देण्यात आल्याची माहिती फडणवीस म्हणालेत.

बँकांचे प्रतिनिधी बैठकीत सिबील मागणार नाही असं म्हणतात,परंतु बँक अधिकारी शेतकऱ्यांकडे सिबीलची मागणी करतात, ते चालणार नाही, असं म्हणत शेतकऱ्यांना कर्ज मिळवण्यात येणाऱ्या अडचणी सर्व दूर झाल्याची माहिती फडणवीसांनी दिलीय. खरीप हंगामसंदर्भात झालेल्या बैठकीत खते,आणि बियाणांची उपलब्धतेवर चर्चा झाली.तसेच यावेळी डीएपीएचा वापर कमी होऊन नॅनो युरियाच्या वापरावर भर दिला जाणार आहे.

जगभरात डीएपीएची कमतरता होतेय, त्यामुळे नॅनो युरियावर भर दिला जातोय, अशी माहिती फडणवीस म्हणालेत. तसेच शेतकऱ्यांना वेगवेगळ्या पीक विमा शेतकऱ्यांना मिळाला पाहिजे, त्याचा आढावा घेण्यात आलाय. खरीप हंगामात शेतकऱ्यांना त्रास होऊ नये यासाठी कार्यवाही केली जाणार असल्याची माहिती उपमुख्यमंत्र्यांनी दिलीय.