Thackeray Family: ठाकरे कुंटुंबात वाद? आदित्य आणि तेजस युवासेनेवरुन आमने-सामने? भाजप नेत्याच्या दाव्याने खळबळ

विनायक वंजारे

Sindhudurg News : भाजपचे आमदार नितेश राणे यांनी पत्रकार परिषद घेत ठाकरे गटाचे खासदार संजय राऊत यांच्यावर गंभीर आरोप केले. संजय राऊत यांनी आदित्य ठाकरे आणि तेजस ठाकरे यांच्यात भांडण लावण्याचा प्रयत्न केल्याचा आरोप केला आहे. दोघांमध्ये वादही झाला होता, असा दावा नितेश राणेंनी केला आहे.

बाळासाहेब आणि मा साहेबांच्या वैयक्तिक संबंधांवर संजय राऊतांनी लोकप्रभामध्ये असताना प्रश्न विचारला होता. पवार कुटुंबियातही भांडणे लावण्याचे काम सुरू केले आहे. संजय राऊतांना अजित पवारांनी खडसावले, पवार साहेबही बोलले आहेत. (Latest Marathi News)

शिवसेनेत आदित्य ठाकरे आणि वरुण सरदेसाई यांचा प्रभाव वाढतोय. म्हणून आदित्य ठाकरे आणि तेजस ठाकरे यांच्यात संजय राऊतांनी भांडण लावलं. आदित्य ठाकरे यांचं वाढतं प्रस्थ कमी करण्यासाठी संजय राऊत आणि त्यांच्या सहकाऱ्यांकडून आदित्य ठाकरे आणि तेजस ठाकरे यांच्यात भांडणं लावण्यात आलं. त्यामुळे दोन्ही भावांमध्ये वादही झाल्याचा दावा नितेश राणेंनी केला आहे.

युवासेना प्रमुख म्हणून वरूण सरदेसाईंच नाव पुढे येत होतं, ते अचानक गायब झालं. युवासेना प्रमुख वरुण सरदेसाई झाल्यास आदित्य ठाकरेंची ताकद वाढेल. त्यामुळे तेजस ठाकरेंच्या नावाने सामनामध्ये जाहिरात झापून आणली जायची. तेजस ठाकरेंचे बॅनर लावायला महाराष्ट्रभरातील शिवसैनिकांना सांगितलं जायचं, असाही दावा नितेश राणेंनी केला आहे.