Chhatrapati Sambhajinagar News: विकृतीचा कळस! माथेफिरू तरुणाकडून कुत्र्याची चाकूने भोसकून हत्या; संतापजनक घटनेचा VIDEO व्हायरल

नवनीत तापडिया, प्रतिनिधी...

Chhatrapati Sambhajinagar News: माथेफिरु तरुणाने रस्त्याच्या कडेला उभ्या असलेल्या कुत्र्याची चाकूने हत्या केल्याची संतापजनक घटना छत्रपती संभाजीनगर शहरात घडली आहे. या घटनेने प्राणीमित्रांनी संताप व्यक्त केला असून तरुणावर कारवाई करण्याची मागणी केली आहे. या घटनेचा व्हिडिओही समोर आला आहे. (Latest Marathi News)

याबाबत अधिक माहिती अशी की, छत्रपती संभाजीनगर शहरातील उस्मानपुरा परिसरात रस्त्याच्याकडेला शांतपणे उभा असलेल्या एका श्वानाची चाकूने वार करून निर्घृण हत्या करण्यात आल्याची घटना उघडकीस आली आहे. या घटनेचा व्हिडिओ (Viral Video) व्हायरल झाला आहे. हा संतापजनक प्रकार मंगळवारी रात्री घडल्याची माहिती आहे. अत्यंत निर्घृणपणे माथेफिरू श्वानाची हत्या करत असल्याचा व्हिडिओ व्ह्याराल झाला आहे.

दुसऱ्या दिवशी श्वान रस्त्याच्या कडेस मृत आढळून आल्याने पेट लव्हर्समधून संताप व्यक्त करण्यात आला. निष्पाप मुक्या प्राण्याचा विनाकारण जीव घेतल्याने नागरिकांमधून संताप व्यक्त केली जात आहे. तसेच या माथेफिरू युवकावर गुन्हा दाखल करण्याची मागणी उस्मानपुरा भागातील प्राणीमित्रांनी केली आहे.