Eknath Shinde News: CM शिंदेंचा एक फोन अन् धनगर समाजाच्या तरुणाने सोडलं उपोषण, दोघांमध्ये नेमकं काय संभाषण झालं?

संदिप नागरे, हिंगोली

Hingoli News In Marathi:

हिंगोलीच्या जिल्हाधिकारी कार्यालयाच्या पुढे धनगर आरक्षणाच्या अंमलबजावणीसाठी उपोषण करणाऱ्या अशोक मस्के या तरुणासोबत राज्याचे मुख्यमंत्री एकनाथ शिंदे यांनी संवाद साधला. गेल्या 12 दिवसांपासून अशोक मस्के यांनी आमरण उपोषण सुरू केलं होतं. मुख्यमंत्री शिंदे यांच्या विनतीनंतर धनगर समाजाच्या तरुणाने उपोषण सोडलं. (Latest Marathi News)

अन्नाचा कणही न घेतलेल्या अशोक मस्के यांची प्रकृती खालावल्याने शासकीय रुग्णालयातील डॉक्टरांचे पथक मस्के यांना रुग्णालयात भरती करण्यासाठी पोहोचले होते. विधिमंडळात धनगर आरक्षणाच्या अंमलबजावण्याची मुख्यमंत्री एकनाथ शिंदे जोपर्यंत घोषणा करत नाहीत, तोपर्यंत आपण आमरण उपोषण सोडणार नसल्याचा पवित्रा या तरुणाने घेतला होता.

तरुणाच्या उपोषणाची दखल कळमनुरी विधानसभा मतदारसंघाचे आमदार संतोष बांगर यांनी घेतली. त्यानंतर आमदार बांगर यांनी मुख्यमंत्री एकनाथ शिंदे यांच्याशी या उपोषणकर्त्या तरुणाचा फोनवरून संवाद करून दिला.

यावेळी मुख्यमंत्र्यांनी धनगर आरक्षणासाठी समिती गठित केली आहे. निवृत्त न्यायाधीशांची देखील समिती पुढे काम करणार असल्याचे सांगत उपोषण सोडण्याची विनंती केली, मुख्यमंत्र्यांच्या विनंतीनंतर धनगर समाजाच्या तरुणाने उपोषण सोडलं. या तरुणाने 12 दिवसानंतर उपोषण सोडलं आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मुख्यमंत्री शिंदे यांनी संभाषणात काय म्हटलं?

मुख्यमंत्री शिंदे यांनी तरुणाला म्हटलं की, ' अशोकराव मी एकनाथ शिंदे बोलतोय. आपण धनगर आरक्षणासाठी एक कमिटी तयार केली आहे. आता निवृत्त न्यायाधीशांची कमिटी स्थापन करतोय आहे. मला आमदार संतोष बांगर यांनी तुमच्याबद्दल सांगितले आहे. आपण पुढची प्रक्रिया करतोय, सरकार तुमच्या मागे आहे. उपोषण करून जीवाला त्रास करून घेऊ नका. मी आमदार संतोष बांगर यांच्याकडे निवेदन दिले आहे, कृपया माझ्या निवेदनाकडे लक्ष द्या'.