Nashik News: अनधिकृत दर्गा हटवण्याआधी तणाव, मध्यरात्री पोलिसांवर दगडफेक; अश्रूधुराच्या नळकांड्यांचा वापर; २२ पोलिस जखमी

नाशिकच्या काठेगल्लीमध्ये असलेली अनधिकृत दर्गा हटवण्याआधीच रात्री उशिरा जोरदार राडा झाला. ही दर्गा हटवण्याआधीच नाशिकमध्ये तणाव निर्माण झाला. जमाने पोलिसांवर दगडफेक केली. या दगडफेकीमध्ये २२ पोलिस जखमी झाले तर अनेक वाहनांचे मोठे नुकसान झाले. सध्या पोलिस बंदोबस्तात पहाटोपासून दर्ग्या हटवण्याचे काम सुरू आहे. सध्या काठे गल्ली परिसरात तणावाचे वातावरण असून पोलिसांचा कडक बंदोबस्त तैनात करण्यात आला आहे.

मिळालेल्या माहितीनुसार, काठेगल्ली परिसरात असलेली अनधिकृत दर्गा हटवण्याची कारवाई आज केली जाणार होती. पण काल रात्रीच याबाबत अफवा पसरली आणि काही नागरिकांनी काठेगल्ली गाठली. वीजपुरवठा खंडित करण्यात आल्यामुळे जमाव आणखी आक्रमक झाला. हा दर्गा हटवण्याआधीच अफवा पसरवण्यात आली. काठेगल्लीमध्ये रात्रई ५०० पोलिसांचा बंदोबस्त लावण्यात आला होता. यावेळी ४०० पेक्षा जास्त लोकांचा जमान त्याठिकाणी एकाचवेळी आला. जमावाने आक्रमक होत पोलिसांवर दगडफेक केली यामध्ये अनेक पोलिस जखमी झाले.

जमावाने केलेल्या दगडफेकीमध्ये २ सहाय्यक पोलिस आयुक्त आणि २० हून अधिक पोलिस कर्मचारी जखमी जखमी झाले. एका पोलिस कर्मचाऱ्याचा पाय फ्रॅक्चर झाला. दगडफेक करणाऱ्या जमावातील काही जणांना पोलिसांनी ताब्यात घेतलं. ८ पेक्षा अधिक जण पोलिसांच्या ताब्यात आहेत. पोलिस सध्या या तणावपूर्ण परिस्थितीवर नियंत्रण मिळवण्याचा प्रयत्न करत आहेत. या घटनेनंतर पोलिसांनी सध्या काठेगल्ली परिसरातील वाहतूक मार्गात अनेक बदल केले आहेत.

नाशिक महानगर पालिकेने न्यायालयाच्या आदेशानुसार अनधिकृत दर्ग्याला १ एप्रिल रोजी नोटीस बजावली होती. स्वत:हून ही अनिधिकृत दर्ग्याचे बांधकाम काढून टाका नाही तर तोडकाम करण्यात येईल असा इशारा देण्यात आला होता. पण पालिकेने दिलेली मुदत संपली त्यामुळे १५ एप्रिल म्हणजे आजपासून अनधिकृत दर्गा पाडण्याचे काम पालिकेकडून सुरू करण्यात आले आहे. मोठ्या पोलिस बंदोबस्तात ही दर्गा पाडण्याचे काम सुरू आहेत. दर्गा परिसरातील १०० मीटरच्या अंतरावर बॅरिकेडींग करण्यात आले आहे. कोणालाही आत जाण्याच परवानगी नाही. दुपारपर्यंत हा अनधिकृत दर्गा हटवण्यात येणार आहे.