Chhatrapati Sambhajinagar : औरंगजेबाच्या कबरीजवळ सुरक्षा वाढवली, SRPFची तुकडी तैनात; छत्रपती संभाजीनगरमध्ये काय घडतंय?

Aurangzeb Tomb Police Deployment : छत्रपती संभाजीनगरमध्ये औरंगजेबाच्या कबरीजवळील बंदोबस्त अचानक वाढवण्यात आलेला आहे. या परिसरात राज्य राखीव पोलीस दलाची तुकडी तैनात करण्यात आली आहे.
Chhatrapati Sambhajinagar Aurangzeb Tomb security increased
Chhatrapati Sambhajinagar Aurangzeb Tomb security increasedSaam Tv News
Published On

छत्रपती संभाजीनगर : औरंगजेबाची कबर उखडून फेकण्याची मागणी अनेक संघटना, राजकीय नेते करु लागले आहेत. औरंगजेबाची कबर न हटवल्यास बाबरीची पुनरावृत्ती करण्याचा इशारा विश्व हिंदू परिषद आणि बजरंग दलाने दिला आहे. यानंतर आता छत्रपती संभाजीनगरमध्ये कबर परिसरातील पोलीस बंदोबस्त वाढवण्यात आला आहे. छत्रपती संभाजी महाराजांच्या सन्मानार्थ औरंगजेबाची कबर हटवा, अशी मोहीम विहिंप, बजरंग दलानं शिवजयंतीला हाती घेतली आहे. त्यामुळे वातावरण तापलं आहे.

छत्रपती संभाजीनगरमध्ये औरंगजेबाच्या कबरीजवळील बंदोबस्त अचानक वाढवण्यात आलेला आहे. या परिसरात राज्य राखीव पोलीस दलाची तुकडी तैनात करण्यात आली आहे. १५ कर्मचारी, २ पोलीस अधिकारी या परिसरात तैनात आहेत. कबर परिसरात जाताना २ ठिकाणी नाकाबंदी लावण्यात आली आहे. कबर पाहायला जाणाऱ्या पर्यटकांची कसून तपासणी केली जात आहे.

Chhatrapati Sambhajinagar Aurangzeb Tomb security increased
Sambhajinagar : औरंगजेबाची कबर उखडण्याचा इशारा, मिलिंद एकबोटेसह त्यांच्या समर्थकांना जिल्हाबंदी

छावा चित्रपटानंतर औरंगजेबाच्या कबरीचा वाद पेटला. गेल्या काही दिवसांत यावरुन अनेक नेत्यांनी विधानं केली आहेत. औरंगजेबाची कबर हटवण्याची भाषा अनेक राजकीय नेत्यांनी केली आहे. त्यामुळे अनुचित प्रकार टाळण्यासाठी या भागात SRPFची १ तुकडी, १५ पोलीस, २ अधिकारी तैनात केले गेले आहेत. काही पोलीस साध्या वेशातही तैनात आहेत. कायदा, सुव्यवस्थेचा प्रश्न निर्माण होऊ नये यासाठी बरीच खबरदारी घेण्यात आली आहे.

Chhatrapati Sambhajinagar Aurangzeb Tomb security increased
Latur Accident: तोच रस्ता, तीच जागा, तसाच थरार; लातूर-नांदेड महामार्गावर तिसरा भयंकर अपघात, VIDEO

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com