Winter Session: शाईफेक प्रकरणाचा सरकारने घेतला धसका, विधानभवनात प्रवेशाबाबत घेतला मोठा निर्णय

नागपूर : राज्याचे उच्च व तंत्र शिक्षणमंत्री चंद्रकांत पाटील यांच्यावरील शाईफेक प्रकरणानंतर हिवाळी अधिवेशनात मोठा निर्णय घेतला आहे. शाही फेकीचा सरकारने धसका घेतला आहे. त्यामुळे विधानभवनात प्रवेश करताना शाईचे पेन घेऊन जाण्यास मनाई करण्यात आली आहे. (Winter Session)

विधान भवनाआधी आधी जाण्याआधी प्रवेशद्वारावर सुरक्षा रक्षक शाईचे पेन असल्यास काढून घेत आहेत. खबरदारीचा उपाय म्हणून पोलीस सतर्क झाले आहेत. (Latest Marathi News)

पोलिसांचा सोशल मीडियावरही लक्ष

हिवाळी अधिवेशनाच्या काळात सोशल मीडियावर आक्षेपार्ह पोस्ट करणाऱ्यांवर पोलिसांचे विशेष लक्ष असणार आहे. सोशल मीडियावर कायदा सुव्यवस्था बिघडवणारे मेसेज व्हायरल केल्यास कठोर कारवाई केली जाणार आहे. सोशल मीडियावर पेट्रोलिंगमध्ये नागपूर पोलिसांनी वाढ केली असल्याची माहितीही आयुक्तांनी दिली आहे.

अधिवेशन काळात नागपूरात एसआरपीएफच्या सात कंपन्यांसह सात हजार पोलीस तैनात असतील. हिवाळी अधिवेशनावर 68 मोर्चे येणार आहे, या मोर्चांवर सीसीटीव्ही आणि ड्रोनद्वारे पोलिसांचा वॅाच असणार आहे.