Maharashtra Politics: मंत्री संजय राठोड यांच्या अडचणी वाढणार? काँग्रेसच्या त्या मागणीनं सत्ताधाऱ्यांची डोकेदुखी वाढली!

सुनील काळे, साम प्रतिनिधी

शिंदे गट शिवसेनेचे मंत्री संजय राठोड यांच्या अडचणीत वाढ होण्याची शक्यता आहे. नवी मुंबई बेलापूर येथील जमीन लाटण्याच्या प्रकरणात मंत्री राठोड यांच्यावर गुन्हा दाखल करण्यात यावा, तसेच त्यांना मंत्रिपदावरून दूर करावं, अशी मागणी विरोधीपक्ष नेते विजय वडेट्टीवार यांनी केलीय.

नवी मुंबई बेलापूर येथील गोरबंजारा समाजाच्या धार्मिक कार्यक्रमासाठी आरक्षित असलेला भूखंड‌ संजय राठोड यांनी लाटल्याचा आरोप विजय वडेट्टीवार यांनी केलाय. संजय राठोड यांनी हा भूखंड शाळेला दिल्याचा आरोप वडेवट्टीवार यांनी केला. दरम्यान या गैरव्यवहाराची दखल लोकायुक्तांनी घेतली आहे.५०० कोटींचा भूखंड लाडक्या मंत्र्यांना म्हणजेच संजय राठोड यांना बहाल करण्यात आल्याचा आरोप विरोधीपक्ष नेते यांनी केलाय. भूखंड गैरव्यवहार समोर आल्यानंतर मंत्री संजय राठोड यांनी जमीन परत करतो, असं म्हटलं. त्यावरुनही वडेट्टीवार यांनी त्यांच्यावर टीका केलीय. पण आधी चोरी कशाला करायची, मग म्हणायचं आम्ही परत करतो. मंत्री राठोड यांना मंत्रीपदावरुन दूर करावं. तसेच त्यांच्यावर ४२० चा गुन्हा दाखल व्हावा अशी काँग्रेस नेते आणि मागणी केलीय. संजय राठोड यांनी बंजारा समाजाची फसवणूक केल्याचा आरोपीही वडेट्टीवार यांनी केलाय.