Buldhana News : पिकांचे नुकसान करणाऱ्या रोही, रानडुक्कर यांना मारण्याची परवानगी; वन विभागाला द्यावे लागणार पत्र

बुलढाणा : शेतात लागवड केलेल्या पिकांचे वन्य प्राण्यांकडून मोठ्या प्रमाणात नुकसान केले जात असते. प्रामुख्याने यात रोही व रानडुकरांचा अधिक त्रास असतो. यामुळे (Farmer) शेतकरी त्रस्त झालेला आहे. मात्र वन्य प्राण्यांच्या त्रासापासून शेतकऱ्यांना दिलासा मिळाला आहे. कारण शेती पिकांचे (Buldhana) नुकसान करणाऱ्या रोही व रानडुकरांना मारण्याची परवानगी देण्यात आली आहे. राज्यात अशाप्रकारे प्राणी मारण्याच्या परवानगीची बुलढाण्यातून होणार सुरुवात. (Tajya Batmya)

वन्य प्राण्यांच्या (Wild Animals) त्रासाला कंटाळून बुलढाणा जिल्ह्यातील अनेक शेतकऱ्यांनी आझाद हिंद शेतकरी संघटनेच्या माध्यमातून अनेक दिवसापासून आंदोलन सुरू केलं होते. वन विभागाकडे अशा प्रकारच्या प्राण्यांचा बंदोबस्त करण्याची मागणी ही आंदोलनाद्वारे करण्यात आली होती. बुलढाणा जिल्ह्यात रोही, हरण व रान डुक्कर या प्राण्यांमुळे शेतकऱ्यांचं शेतीच मोठं नुकसान होत होतं. यामुळे शेतकरी त्रस्त झाला होता. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मात्र आता आझाद हिंद शेतकरी संघटनेच्या या लढ्याला यश मिळाले, असून वन्य प्राण्यांपैकी रोही व रानडुक्कर या प्राण्यांमुळे जर नुकसान होत असेल; तर (Forest Department) वन विभागाकडून रीतसर परवानगी घेऊन या प्राण्यांना ठार मारण्याची परवानगी देण्यात यावी असं पत्र वनविभागाला नुकताच प्राप्त झाला आहे. त्यामुळे वन्य प्राण्यांच्या नुकसानीला कंटाळलेल्या शेतकऱ्यांना दिलासा मिळाला आहे.