Buldhana Accident: भीषण अपघात! एसटी बस आणि मालवाहू वाहनाची समोरासमोर धडक; दोन्ही चालकांसह प्रवासी जखमी

संजय जाधव, बुलढाणा|ता. ५ डिसेंबर २०२३

Buldhana Breaking News:

बुलढाण्यामधून एक भीषण अपघाताची घटना समोर आली आहे. बुलढाण्यातील लाखनवाडा ते उदयनगर रस्त्यावर एसटी बस आणि मालवाहू वाहनाची जोरदार धडक होऊन अपघात घडला. या अपघातात दोन्ही वाहनांचे चालक जखमी झाले आहेत. दोन्ही जखमींवर सध्या रुग्णालयात उपचार सुरू आहेत.

याबाबत सविस्तर माहिती अशी की, बुलढाण्यातील (Buldhana) लाखनवाडा ते उदयनगर दरम्यान रस्त्यावर असलेल्या पिंप्री कोरडे गावाजवळ आज सकाळी भीषण अपघात झाला. खामगाव आगाराची बस लाखनवाड्यावरून उदयनगर कडे जात होती. बस मध्ये एकूण ४७ प्रवाशी प्रवास करत होते.

यावेळी पिंपरी कोरडे गावाजवल विरुद्ध दिशेने येणाऱ्या मालवाहू वाहनाची आणि एसटी बसची समोरासमोर धडक झाली. अपघातानंतर बस रस्त्याच्या खाली गेली. दोन्ही वाहनाचे चालक गंभीर जखमी झालेत. तसेच बस मधील शाळकरी विद्यार्थ्यांसह काही प्रवाशी किरकोळ जखमी झाले आहेत. दरम्यान, बसचालकाला उपचारासाठी रुग्णालयात हलविण्यात आले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पुण्यामध्ये School Busचा भीषण अपघात...

दरम्यान, पुण्यामध्ये (सोमवार, ४ डिसेंबर) स्कूल बसचा भीषण अपघात झाल्याची घटना घडली. शाळेची भरधाव बस झाडावर आदळल्याने हा अपघात झाला. पुण्यातील वाघोली रायझिंग स्टार या शाळेची ही बस होती. अपघातावेळी शाळकरी मुले देखील बसमध्ये होती. यात काही विद्यार्थी जखमी झाले आहेत. (Latest Marathi News)