Buldhana News : आमदारांच्या दुकानावरची इंग्रजी पाटी अखेर काढली; लागणार मराठी फलक

संजय जाधव 

बुलढाणा : लोकप्रतिनिधीच न्यायालयाच्या आदेशाची पायमल्ली करत असल्याची बातमी साम टीव्ही न्यूजने सर्वात अगोदर (Buldhana) दाखवली होती. या बातमीची दखल घेत आज लिंगाडे यांच्या शॉपची इंग्रजी पाटी काढण्यात आली आहे. याठिकाणी दुसरी पाटी तयार करून लावली जाणार आहे. (Latest Marathi News)

राज्यातील सर्व दुकाने व अपस्थापनावरील पाट्या ह्या मराठी अक्षरात लावाव्यात असे आदेश सर्वोच्च न्यायालयाने दिले आहेत. या नंतर देखील अमरावती पदवीधर मतदार संघाचे काँग्रेसचे आमदार धीरज लिंगाडे यांच्या बुलढाणा येथील दुकानांवर इंग्रजी पाट्या कायम होत्या. यामुळे लोकप्रतिनिधींकडूनच न्यायालयाच्या आदेशाला केराची टोपली दाखवली जात असल्याने मनसेने आक्रमक पवित्रा घेतला होता. ही बातमी सर्वप्रथम साम टीव्ही न्युज नाही दाखवली होती.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अखेर मराठी अक्षरात पाटी

साम टीव्हीने बातमी लावल्यानंतर आमदार धीरज लिंगाडे यांच्या दुकानावरील इंग्रजी अक्षरांची असलेली पाटी आता काढून टाकण्यात आली आहे. त्या ठिकाणी मराठी अक्षरातील पाटी लावली जाणार आहे.