Buldhana News : मोटारसायकल चोरी प्रकरणातील आरोपी ताब्यात; संग्रामपूर पोलिसांची कारवाई

संजय जाधव

बुलढाणा : संग्रामपूर तालुक्यात चोरीच्या प्रमाणात अधिक वाढ झाली होती. याबाबत आलेल्या तक्रारीवरून (Buldhana) तामगाव पोलिस अधिक अलर्ट मोडवर आले होते. चोरीचा तपास करत पोलिसांनी (police) दोन मोटारसायकसह चोरट्याला ताब्यात घेतले आहे. (Latest Marathi News)

बुलढाण्यातील तामगांव पोलिसांनी मोटारसायकल चोरी प्रकरणात विविध कलमानुसार गुन्हे दाखल केले आहेत. दुचाकी चोरी करणाऱ्या एका भामट्या चोराला पोलिसांना पकडण्यात यश आले. (Bike Theft) दत्तात्रय मनोहर वेरूळकार (रा. धामणगावं गोतमारे) असे ताब्यात घेतलेल्या आरोपीचे नाव आहे. आरोपीला न्यायालयात हजर केले असता न्यायालयात आरोपीला दोन दिवसाची पोलीस कोठडी सुनावली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

१ लाख ४० हजाराचा मुद्देमाल हस्तगत 

ताब्यात घेतलेला आरोपी दत्तात्रय मनोहर वेरूळकार याने दोन मोटारसायकल चोरी केल्याची स्वतः कबुली दिली आहे. पोलिसांनी आरोपीसह २ दुचाकी असा १ लाख ४० हजार रूपयाचा मुद्देमाल जप्त केला आहे. विविध कलमानुसार आरोपीवर गुन्हा नोंदवीला आहे.