Parbhani Crime News : 3 महिन्यांपूर्वी पळून जाऊन केलं लग्न, आज प्रेयसीलाच संपवलं; प्रियकराने पाेलिसांना सांगितली स्टाेरी

Parbhani News :

तीन महिन्यांपूर्वी पळून जाऊन लग्न केलेल्या युवकाने आपल्याच प्रेयसीवर आज (गुरुवार) सकाळच्या सुमारास धारधार शास्त्राने वार करीत तिला संपविण्याचा प्रयत्न केल्याची घटना परभणी जिल्ह्यात घडली. या घटनेनंतर युवक स्वत: पाेलिस ठाण्यात हजर झाला आहे. पाेलिस त्याची कसून चाैकशी करीत आहेत. (Maharashtra News)

परभणी पाेलिसांनी दिलेल्या प्राथमिक माहितीनूसार संबंधित युवतीवर धारधार शस्त्राने हल्ला झाल्याने ती गंभीर जखमी झाली. तिच्या डाेक्यावर देखील इजा झाली आहे. तिला उपचारार्थ रुग्णालयात दाखल करण्यात आले. त्यानंतर तिची प्रकृती गंभीर बनली हाेती. तिला परभणी जिल्हा रुग्णालयात (parbhani general hospital) उपचारास नेताना युवतीचा मृत्यू झाल्याचे पाेलिसांनी सांगितले.

या घटनेतील जखमी अल्पवयीन असल्याची माहिती युवकाकडून (youth) पाेलिसांना प्राप्त झाली आहे. आम्ही दाेघांनी तीन महिन्यांपूर्वी पळून जाऊव लग्न केल्याचेही युवकाने पाेलिसांना सांगितले. या घटनेचा अधिक तपास करीत असून युवकाची संपुर्ण चाैकशी झाल्यानंतर त्याने हा प्रकार का केला याचा उलगडा हाेईल असे पाेलिसांनी नमूद केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar