Akola News : श्री क्षेत्र शेगाव दिंडी मार्गाचे काम संथगतीने सुरु, पारसमध्ये युवकांचे आंदाेलन

- हर्षदा साेनाने

Akola News :

गेल्या सात वर्षापासून अपूर्ण अवस्थेत असलेल्या अकोला निमकर्दा पारस शेगाव या दिंडी मार्गाच्या कामाचा या परिसरातील त्रस्त नागरिकांनी आठवा वाढदिवस साजरा करून एक आगळे वेगळे आंदोलन केले. सरस्वती विद्यालय पारस येथील अत्यंत दुरावस्थेत असलेल्या ठिकाणी हे आंदाेलन छेडण्यात आले. (Maharashtra News)

विदर्भाची पंढरी म्हणून ओळख असलेल्या संतश्रेष्ठ गजानन महाराज यांच्या शेगाव नगरीला जोडणारा अकोला ते शेगाव हा मार्ग (akola to shegoan road) भक्तांच्या गर्दीने नेहमी गजबजलेला असतो. याच मार्गावरून दरवर्षी हजारो पायदळ वारकरी व पायदळ दिंड्या शेगाव येथे जात असतात.

अकोला, अमरावती, वाशिम, हिंगोली, परभणी या जिल्ह्यातील पायदळ वारकरी अकोल्यावरून गायगाव निमकर्दा मार्गे शेगावला दर शनिवारी रात्री व एकादशीच्या दिवशी दर्शनासाठी जात असतात.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या वारकऱ्यांना धुळीचा प्रचंड प्रमाणात त्रास होत आहे. एचएम प्रोजेक्ट अंतर्गत या रस्त्याचे काम अत्यंत कासवगतीने सुरू आहे. अर्धवट कामामुळे या मार्गावर बरेच छोटे मोठे अपघात झालेत परंतु तरीसुद्धा सार्वजनिक बांधकाम विभाग डोळे लावून गुपचूप निद्रावस्थेत आहे. कदाचित शासनाला मोठ्या अपघाताची प्रतीक्षा असल्याचे यातून दिसून येते असा आराेप शेतकरी करु लागलेत.

Edited By : Siddharth Latkar