Auto Rickshaw Drivers : रिक्षा-टॅक्सी चालकांसाठी महत्वाची बातमी, मराठी भाषा शिकण्यासाठी मुदत वाढ नाही, १८ ऑगस्टपासून कारवाई

रिक्षाचालकांसाठी राज्य सरकारकडून महत्त्वाची बातमी समोर आलेली आहे. महाराष्ट्रातल्या ऑटो - रिक्षा आणि टॅक्सी चालकांसाठी मराठी भाषा अनिवार्य करण्याचा दिशेने राज्य सरकारने महत्त्वाचे पाऊल उचलले आहे. त्यातच परिवहन मंत्री प्रताप सरनाईक यांनी माध्यमांशी बोलताना सांगितले की, मराठी भाषा शिकण्याची 15 ऑगस्ट शेवटची मुदत असणार, मुदत वाढ मिळणार नाही, 18 ऑगस्टपासून कारवाई केली जाणार, कुणी कुणाला भेटले तरी मुदतवाढ़ मिळणार नाही, मराठीचा अवमान केला तर चालणार नाही, निर्णयावर पुर्नविचार करण्याची गरज नाही, मुख्यमंत्री आणि दोन्ही उपमुख्यमंत्री यांनी पाठींबा दिला आहे. जीआरमध्ये एक वाक्य आहे, त्याला एक महिन्याची मुदत दिली जाणार, त्यानंतर शिकला नाही तर लायन्सस रद्द केले जाणार आहे.

महाराष्ट्रातील रिक्षा आणि टॅक्सी चालकांना मराठी भाषा शिकण्यासाठी आता आणखी एक महिन्याची मुदत देण्यात आली आहे. याआधी १५ ऑगस्टपर्यंत मराठी शिकण्याची मुदत देण्यात आली होती. पण या कालावधीत मराठीचे आवश्यक ज्ञान मिळवता न आलेल्या चालकांना आता अतिरिक्त वेळ देण्यात आला आहे.

रिक्षाचालकांना आता १ महिन्याचा कालावधी वाढवून दिला आहे. या वाढीव मुदतीत चालकांनी मराठी भाषेचे व्यावहारिक ज्ञान मिळवणं अपेक्षित आहे. यामध्ये प्रवाशांशी मराठीत संवाद साधता यावा, यासाठी भाषेचे ज्ञान असणे महत्त्वाचे मानले जात आहे.

वाढीव मुदत संपल्यानंतरही संबंधित चालकांना मराठीत बोलता येत नसेल, तर त्यांच्या परवान्यावर कारवाई शक्यता आहे. त्यामुळे या निर्णयामुळे रिक्षा आणि टॅक्सी चालकांमध्येही चर्चा सुरू झाली आहे. हा नियम ज्यांनी मोहीमेत सुरुवातीपासून सहभाग घेता आला नाही त्यांच्यासाठी लागू असणार आहे.