Bhusaval-Daund MEMU Weekly Special Train : रेल्वे प्रवाशांनाे ! भुसावळ-दौड-भुसावळ मेमू ट्रेन रद्द; जाणून घ्या कारण (पाहा व्हिडिओ)

- अजय सोनवणे

Bhusawal Daund MEMU Weekly Special Train News : भुसावळ-दौंड-भुसावळ साप्ताहिक मेमू रेल्वेगाडी तांत्रिक कारणामुळे पुढील आदेशापर्यंत रद्द करण्यात आल्याची माहिती रेल्वे प्रशासनाने दिली आहे. (Maharashtra News)

01135 / 01136 भुसावळ -दौंड- भुसावळ मेमू साप्ताहिक विशेष ट्रेनचा प्रवाशांसाठी उपयुक्त असल्याने काेविड -19 च्या काळानंतर देखील ट्रेनची संरचना, वेळ आणि थांबे इत्यादींमध्ये कोणताही बदल न करता ती चालविण्यासाठी मुदत वाढ मिळाली हाेती. त्यास प्रवाशांचा (passengers) प्रतिसाद मिळाला हाेता.

दरम्यान भुसावळ-दौंड-भुसावळ साप्ताहिक मेमू रेल्वेगाडी तांत्रिक कारणामुळे पुढील आदेशापर्यंत रद्द करण्यात आल्याची माहिती रेल्वे प्रशासनाने दिली आहे. ही मेमू सेवा प्रामुख्याने पुणे विभागाच्या मेमू रेकच्या नियोजित देखभालीसाठी चालविण्यात आली होती मात्र ही ट्रेन अनिश्चित काळासाठी स्थगित करण्यात आल्याने आता मात्र प्रवाशांचे हाल होणार आहे.

Edited By : Siddharth Latkar