BJP Candidate List: मोठी बातमी! विधान परिषदेसाठी भाजपकडून ६ उमेदवारांची घोषणा, कुणाकुणाला मिळाली संधी?

Summary -

• भाजपकडून ६ उमेदवारांची घोषणा

• विधान परिषदेसाठी १० जागांची निवडणूक

• प्रज्ञा सातव यांचे नाव निश्चित

• इतर ५ उमेदवारांचीही घोषणा

• राज्यात राजकीय हालचाली वेगात

विधान परिषद निवडणुकीसाठी भाजपकडून उमेदवारांची यादी जाहीर करण्यात आली आहे. भाजपने ६ उमेदवारांची नावं जाहीर केली आहेत. विधान परिषद निवडणुकीच्या १० जागांसाठी येत्या १२ मे रोजी निवडणूक होणार आहे. भाजपच्या वाट्याला १० पैकी ६ जागा आहेत. विधान परिषदेच्या पोटनिवडणुकीसाठी प्रज्ञा सातव यांचे नाव भाजपकडून जवळपास निश्चित झाले होते. तर इतर ५ जणांच्या नावांवर आज शिक्कामोर्तब करण्यात आला.

भाजपकडूनसर्व उमेदवारांची नावं जाहीर करण्यात आली आहेत. यामध्ये सुनील विनायक कर्जतकर, माधवी नाईक, संजय नत्थूजी भेंडे, विवेक बिपिनदादा कोल्हे, प्रमोद शांताराम जठार आणि प्रज्ञा सातव यांना संधी देण्यात आली आहे. भाजपकडून ५ जणांची नाव फायनल करताना जातीय आणि प्रादेशिक समतोलाचा देखील विचार करण्यात आला असल्याची माहिती सुत्रांनी दिली.

दरम्यान, महाराष्ट्र विधानसभेतील ९ सदस्यांची मुदत येत्या १३ मे २०२६ रोजी संपणार आहे. यामध्ये संजय केणेकर, नीलम गोन्हे, उद्धव ठाकरे, संदीप जोशी, दादाराव केचे, अमोल मिटकरी, रणजितसिंह मोहिते-पाटील, राजेश राठोड आणि शशिकांत शिंदे या ९ सदस्यांचा समावेश आहे. तर विधानपरिषद सदस्य डॉ. प्रज्ञा सातव यांच्या राजीनाम्यामुळे रिक्त झालेल्या विधानपरिषदेच्या एका जागेसाठी देखील निवडणूक होणार आहे. या १० जागांसाठी १२ मे २०२६ रोजी मतदान होणार आहे. सकाळी ९ ते दुपारी ४ वाजेपर्यंत मतदान तर सायंकाळी ५ वाजल्यानंतर मतमोजणी करण्यात येणार आहे.

भाजपने कुणाला दिली उमेदवारी -

सुनील विनायक कर्जतकर

माधवी नाईक

संजय नत्थूजी भेंडे

विवेक बिपिनदादा कोल्हे

प्रमोद शांताराम जठार

प्रज्ञा सातव