![Bhandara News](http://media.assettype.com/saamtv%2F2023-09%2F44a72960-05c3-4e3c-b11b-bc6b4e8aec4c%2FSaam_TV___2023_09_07T114630_995.jpg?rect=0%2C0%2C1200%2C675&w=480&auto=format%2Ccompress&fit=max)
शुभम देशमुख
भंडारा : गजानन महाराजांच्या मंदिराला सुरक्षा म्हणून लोखंडी गेट लावण्यात येत आहे. या गेटचे काम सुरु असताना मजुराला विजेचा जोरदार (Electric Shock) झटका बसला. यात त्या मजुराचा जागीच मृत्यू झाल्याची दुर्दैवी घटना (Lakhandur) लाखांदूर तालुक्यातील जैतपूर येथे घडली आहे. (Latest Marathi News)
भंडारा जिल्ह्यातील लाखांदुर तालुक्यात येत असलेल्या जैतपूर येथे ही घटना घडली आहे. चंद्रशेखर खुशाल कुत्तरमारे (वय ३५) असे मृत मजुराचे नाव आहे. स्थानिक जैतपूर येथे गजानन महाराजाचे मंदिर आहे. या मंदिराचे मुख्य प्रवेशद्वारावर लोखंडी गेट लावण्याचे काम सुरू होते. या कामावर घटनेतील मृतक चंद्रशेखर मजूर म्हणून मजुरी काम करीत होता. मजुरी काम करीत असताना विजेचा धक्का लागल्याने चंद्रशेखर जखमी झाला.
रुग्णालयात नेले परंतु अखेर मृत्यू
सदर घटनेची माहिती परिसरातील नागरिकांसह गावकऱ्यांना मिळाली. यानंतर संबंधितांनी चंद्रशेखरला तात्काळ उपचारासाठी लाखांदूर येथील ग्रामीण रुग्णालयात दाखल केले. मात्र रुग्णालयात पोहचण्यापूर्वीच त्याचा मृत्यू झाला होता. डॉक्टरांनी चंद्रशेखरला तपासून मृत घोषित केले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.