Chikhali News : कापड दुकानच्या गोडाऊनला भीषण आग; १५ लाखाचे कपडे जळून खाक

बुलढाणा : कापड दुकानाचे गोडाऊनला आज दुपारच्या सुमारास भीषण आग लागली. या आगीत (Fire) कापडाच्या गाठींचा कोळसा झाला असून साधारण (Buldhana) यात सुमारे १५ लाख रुपयांचे नुकसान झाल्याचा प्राथमिक अंदाज आहे. (Breaking Marathi News)

चिखली शहरातील भव्य कपड्यांचे दालन आहे. या कपड्यांचे दालन असलेल्या दहिगांववाला यांचे गोडावून शहरातीलच शिंदे हॉस्पीटलच्या खाली असून त्याठीकाणी काही दिवसांपूर्वीच येणाऱ्या सणासुदीच्या निमीत्तने मोठया प्रमाणात माल भरुन ठेवण्यात आला होता. त्या गोडावून आज दुपारच्या सुमारास अचानक आग लागली. या आगीत १५ लाखांचे नुकसान झाल्याचा अंदाज वर्तविण्यात आला आहे.

अग्निशामक बंब दाखल 
आगीचे वृत्त समजातच ठाणेदार संग्राम पाटील तात्काळ घटनास्थळी पोहचले. यावेळी नागरिकांनी आसपास असलेल्या दवाखान्यातील अग्नीरोधक यंत्र वापरून आगीवर नियंत्रण मिळवण्याचा प्रयत्न केला. आग विझवण्याचे प्रयत्न सुरु असून नगरपालिकेचे अग्नीशमन यंत्रना देखील घटनास्थळी पोहचून आगीवर नियंत्रण मिळवण्याचा प्रयत्न करीत आहे. परिसरात बघ्यांची मोठ्या प्रमाणात गर्दी झाली आहे.