शुभम देशमुख, प्रतिनिधी...
Bhandara News: भंडारा शहर अतिक्रमणाच्या विळख्यात सापडले असून आता नगर परिषदेने अतिक्रमण करणाऱ्यांविरोधात कडक मोहिम हाती घेतली आहे. त्यामुळे भंडारा शहरात अतिक्रमण करणाऱ्यांवर कडक कारवाई केली जाणार असल्याचा इशारा शहर नगर परिषदेकडून देण्यात आला आहे.
याबाबत अधिक माहिती अशी की, दिवसेंदिवस भंडारा (Bhandara) शहरात रस्त्यांवर अतिक्रमण वाढले असुन याचा त्रास शहरातील नागरिकांना होत आहे. रस्तावरील अतिक्रमणामुळे वाहतूक कोंडी निर्माण होत असून त्यासाठी नगर परिषदेने फेब्रुवारी महिन्या पासून अतिक्रमण हटाव मोहिम राबवित आहे. बरेच अतिक्रमण काढले असून पुन्हा रस्त्यांवर पान टपरी, चायनीज ठेले, किंव्हा घरगुती लोकांनी सुध्दा रस्त्यांवर अतिक्रमण केले आहे.
अतिक्रमण धारकांना नगर परिषदेने नोटीस बजावले पण या नोटीसांकडेही अतिक्रमण धारकांनी दुर्लक्ष केले. त्यासाठी नगर परिषदेने अतिक्रमणावर बुलडोझर चालवीत पक्क्या घरांचे अतिक्रमण देखील काढले आहे.
जर पुन्हा अतिक्रमण केले तर तशी माहिती नगर परिषदेला देण्यात यावी असे आव्हानही नगर परिषदेच्या वतीने करण्यात आले आहे. नगर परिषदेने शहरातील वाहतूक कोंडी सोडविण्यासठी नगर परिषदेने कंबर कसली असून आता अतिक्रमण धारकांवर थेट कारवाई केली जाणार आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
