Bhandara Crime News : रेती तस्करी प्रकरणात वनविभागाने (forest department) जप्त केलेला ट्रॅक्टर सोडण्यासाठी 15 हजार रुपयांची लाच घेताना दोन वनरक्षक, वनमजूर आणि एका खासगी व्यक्तीला भंडारा लाचलुचपत प्रतिबंधक विभागाने रंगेहात पकडलं. भंडारा (bhandara) जिल्ह्याच्या तुमसर तालुक्यातील लेंडेझरी येथे ही कारवाई करण्यात आली आहे.
वनरक्षक गणेश महाजन काकरवाल, मनीष उत्तम मेश्राम, वनमजूर केसरी रामासाव उचिबगले आणि खासगी व्यक्ती मो. शहाबुद्दीन मो. दाऊद अन्सारी अशी कारवाई झालेल्यांची नावे आहेत. या चाैघांनी अटक (arrest) करण्यात आली आहे.
तुमसर तालुक्यातील आसलपानी येथील एका व्यक्तीचा ट्रॅक्टर 13 ऑगस्टला वनरक्षक गणेश काकरवाल आणि मनीष मेश्राम यांनी जप्त केला होता. हा ट्रॅक्टर सोडण्यासाठी 25 हजार रुपयाच्या लाचेची मागणी तक्रारदारास करण्यात आली. तक्रारदाराने याबाबत भंडारा लाचलुचपत प्रतिबंधक विभागाकडे तक्रार केली.
त्यावरुन एसीबीनं सापळा रचला असता लेंडेझरी कार्यालयात खासगी व्यक्ती मो. शहाबुद्दीन याने पैसे स्वीकारले. दोन्ही वनरक्षकांनी वनमजुराच्या मध्यस्थीने लाचेची मागणी केल्याचे पुढे आल्यावर चौघांना अटक करण्यात आली आहे. त्यावरुन आंधळगाव पोलीस ठाण्यात तक्रार दाखल करण्यात आली आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.