OBC Morcha: ओबीसी आरक्षणाला धक्का लावू नका; बीडमध्ये जिल्हाधिकारी कार्यालयावर जनआक्रोश मोर्चा

बीड : ओबीसी आरक्षणाला धक्का लावू नका. या मागणीसाठी बीडमध्ये ओबीसी समाज आक्रमक झाला आहे. बीडच्या (Beed) जिल्हाधिकारी कार्यालयावर जन आक्रोश मोर्चा काढला आहे. या मोर्चामध्ये हजारो ओबीसी बांधव सहभागी झाले होते. ओबीसी आरक्षणाला धक्का लावू नका, अन्यथा ओबीसी (OBC) समाज रस्त्यावर उतरून सरकार उलथवून टाकेल; असा इशारा राज्य ओबीसी जन मोर्चाचे उपाध्यक्ष टी. पी. मुंडे यांनी दिला. तसेच मराठवाड्यामध्ये एकही कुणबी नाही त्यांना प्रमाणपत्र देऊ नका. अशी मागणी देखील त्यांनी केली. (Latest Marathi News)

मराठा आरक्षणासाठी लढा सुरु असताना राज्य शासन मराठा समाजाला ओबीसी मधून आरक्षण देण्याच्या विचारात आहे. याला ओबीसी समाजाचा विरोध असून ओबीसी आरक्षणाला धक्का लावू नये अशी मागणी करत समाज रस्त्यावर उतरत आहे. परळीतून ओबीसी जन मोर्चाचे राज्य उपाध्यक्ष टी.पी. मुंडे या मोर्चाचं नेतृत्वात परळी ते बीड अशी ९० किलोमीटर कार रॅली काढण्यात आली. 

बीड शहरातील छत्रपती शिवाजी महाराज पुतळयाला पुष्प हार घालून या मोर्चाला सुरूवात होवून जिल्हाधिकारी कार्यालयावर हा जन आक्रोश मोर्चा धकडला. यावेळी मराठवाड्यामध्ये कुणबी मराठा नाही; मात्र काही अधिकारी मिळून कुणबी प्रमाणपत्र देत आहेत, हे थांबवा अशी मागणी ओबीसी चे नेते प्राध्यापक टीपी मुंडे यांनी केली आहे.