Beed News: आंदोलक चढले मोबाईल टॉवरवर; मराठा आरक्षण आंदोलनाला आक्रमक वळण

बीड : मराठा आरक्षणासाठी मराठा समाज आक्रमक झाला आहे. राज्यभरात आंदोलन उभारण्यात आले असून (Beed) बीडमध्ये देखील मराठा आरक्षणासाठी (Maratha Reservation) साखळी उपोषण सुरु आहे. या उपोषणात सहभागी आंदोलक आज आक्रमक झाले असून मोबाइल टॉवरवर चढून सरकारचा निषेध करत आहेत. (Breaking Marathi News)

मनोज जरांगे पाटील यांनी मराठा आरक्षणासाठी पुन्हा आंदोलनाला सुरवात केली आहे. यानंतर राज्यभरात मराठा समाजाने आंदोलन करण्यास सुरवात केली आहे. त्यानुसार बीडच्या मादळमोही गावांमध्ये देखील साखळी उपोषण सुरु करण्यात आले आहे. यात समाजातील ज्येष्ठ नागरिक, तरुण देखील मोठ्या संख्येने सहभागी झाले आहेत. या साखळी उपोषणादरम्यान ३ आंदोलक (Maratha Aarkshan) तरुण मोबाईल टॉवरवर चढले आहे. गेल्या एक ते दोन तासापासून आंदोलक तरून हे टॉवरवर चढून बसले आहेत. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तर टॉवरवरूनच उडी मारायचा इशारा  

घटनेची माहिती कळताच पोलीस अधिकारी आणि महसूल कर्मचारी देखील टॉवरखाली आहेत. मात्र जोपर्यंत सरकार मराठा आरक्षणाचा प्रश्न मार्गी लावत नाहीत; तोपर्यंत खाली उतरणार नाही. असा निर्धार आंदोलक मराठा तरुणांनी घेतलाय. दरम्यान जर निर्णय घेतला नाही, तर इथूनच खाली उडी मारणार असल्याचा इशारा मराठा आंदोलकांनी दिला.