Lok Sabha Election : मतमोजणी ठिकाणी तांत्रिक वस्तू आढळल्यास कारवाई; अँड्रॉइड मोबाईल घड्याळ वापरण्यास बंदी

बीड : सार्वत्रिक लोकसभा निवडणुकीची मतमोजणी ४ जूनला होणार आहे. बीडमध्ये ही मतमोजणी बीड शहरालगत असणाऱ्या शासकीय तंत्रनिकेतन येथे होत आहे. या मतमोजणीच्या ठिकाणी अँड्रॉइड मोबाईल घडी वापरण्यास बंदी करण्यात आली आहे. तसे निर्देश जिल्हा प्रशासनाकडून जारी करण्यात आले आहेत.

देशातील (Lok Sabha Election) लोकसभा निवडणुकीसाठीचे मतदानाचे सर्व टप्पे पूर्ण झाल्यानंतर आता सर्वाना वेध लागले आहेत निकालाचे. लोकसभा निवडणुकीची मतमोजणी ४ जूनला होत असून (Beed) जिल्हा प्रशासनाची यासाठीची सर्व तयारी झाली आहे. उद्या होणाऱ्या मतमोजणीच्या वेळी मतमोजणी अधिकारी-  कर्मचारी, सुपरवायझर, सहाय्यक, सूक्ष्म निरीक्षक, शिपाई, उमेदवारांचे नेमलेले प्रतिनिधी तसेच माध्यम प्रतिनिधींना मतमोजणीच्या ठिकाणी मोबाईल नेण्याची मनाई आहे. यासह अँड्रॉइड मोबाईल घड्याळ मोबाईलच्या (Mobile) पद्धतीने चालविली जाते असे कुठल्याही तांत्रिक उपकरणे सोबत ठेवण्याची ही बंदी असेल.

तर थेट कारवाईचे निर्देश 
मतमोजणी होणार असलेल्या ठिकाणी अशा प्रकारच्या तांत्रिक वस्तू वापरास बंदी असल्याचे आदेश जिल्हा प्रशासनाने काढले आहेत. तर या तांत्रिक वस्तू मतमोजणीच्या ठिकाणी वापरण्यात आल्यास त्यांच्यावर कडक कारवाई केली जाईल; असे निर्देश जिल्हा प्रशासनाकडून जारी करण्यात आलेले आहेत.