Godavari River : गोदावरीवरील तिन्ही बंधारे कोरडे; गोदाकाठावरील नागरिकांनी पाण्यासाठी भटकंती 

परभणी : देशात प्रमुख नद्या पैकी एक असलेली गोदावरी नदी यंदा कोरडीठाक पडली आहे. यामुळे गोदाकाठच्या ग्रामस्थांना पाण्यासाठी वणवण फिरण्याची वेळ आली आहे. पाण्यासाठी गोदावरी नदीवर असलेले तीन उच्च पातळी बंधारे गेल्या दोन महिन्या पासून कोरडे पडले असून पाणी पिण्याचा प्रश्न बिकट झाला आहे. 

अर्ध्या मराठवाड्याची तहान भागवणाऱ्या जिल्ह्यातील पूर्णा प्रकल्पाच्या येलदरी धरणात सद्य:स्थितीत केवळ २८ टक्के जलसाठा उपलब्ध आहे. तर जिल्हातील दुसरे मोठे धरण दूधना प्रकल्पात केवळ ५ टक्के पाणी साठा शिल्लक आहे. (Godavari River) गोदावरी वरील सर्व उच्च पातळी बंधाऱ्यात दरवर्षी पिण्याच्या पाण्यासाठी नियोजन करण्यात येते. पण या वर्षी प्रशासनाने जूनमध्ये बंधाऱ्यातून पाण्याचा विसर्ग करून पाणी सोडून दिले असा आरोप ग्रामस्थांनी केला आहे. 

गतवर्षी पाऊस (Rain) कमी झाल्याने पाण्याची समस्या निर्माण झाली आहे. सर्वच बंधारे. तलावांची ताल गाठला आहे. यात गोदावरी नदीवरील बंधाऱ्याचा देखील समावेश येतो. यातच गोदावरी पात्रात मोठ्या प्रमाणात अवैध वाळू (Water Scarcity) चोवीस तास उपसली जाते. प्रशासनाचे आर्थिक हितसंबंध असल्याने गोदावरी पोखरली गेली आहे. पाऊस लवकर आला नाही तर गोदाकाठच्या ग्रामस्थांना भीषण पाणी टंचाईचा सामना करावा लागणार आहे.