Farmer Success Story: कांदा पिकावर रोटार मारलं, केली आल्याची शेती, बीडच्या शेतकरी भावांनी घेतलं २५ लाखाचं उत्पादन

योगेश काशीद, साम टीव्ही प्रतिनिधी

बीडच्या आष्टी तालुक्यातील कडा शहरातील सोनवणे वस्ती येथील शिवाजी सोनवणे, गणेश सोनावणे यांनी अदरक म्हणजेच आल्याची शेती केली आहे. गेली दहा महिन्यांपूर्वी अडीच एक्करात 27 किंन्वटल माहिम जातीचे आले या बेणाची 5 फुटाचे बेडवर आलेची लागवड केली. अदरकचं त्यांनी यशस्वी उत्पादनदेखील घेतलं. त्यांचा हा प्रयोग खूप यशस्वी ठरला.

दहा महिन्यांपूर्वी केली होती आल्याची लागवड....

बीडच्या आष्टी तालुका हा दुष्काळी आसताना देखील शिवाजी सोनवणे, व गणेश सोनवणे यांनी अडीच एक्कर शेतात आले या पिकाचे यशस्वी उत्पादन घेतले आहे. ठिबकच्या साह्याने आलेला पाणी देउन, फवारणी करुण दहा महिन्यातच जैविक पद्धतीने फवारणी करत एका कंदाला जवळपास अडीच किलो पर्यंत आले येत आहे

बीडच्या आष्टी तालुक्यातील दुष्काळी भागात अगदी कमी पाण्यावर यशस्वी प्रयोग करुण दाखवला आहे. या ठिकाणी शेती करताना शेतकऱ्यांना खूप अडचणी येतात. मात्र, या शेतकऱ्यांनी खूप हुशारीने आणि आधुनिक पद्धतीचा वापर केला आणि अदरक पीक घेतले.

२५ लाख कमावले

आल्याची शेतीला संपूर्ण पिक घेण्यासाठी अडीच एकरात फक्त एक लाख पंचाहत्तर हजार रुपये खर्च करून आला असून, त्यामधून 25 लक्ष रूपये उत्पादन झाले आहे.. कांदा पिकाला भावाची शास्वती नसल्याने, युवक शेतकरी गणेश सोनवणे, शिवाजी सोनवणे, यांनी आपल्या अडीच एक्करात कांदा पिकावर लोटर हाकवून, त्यामध्ये आल्याची शेती यशस्वीपणे करुण दाखवली आहे... या सोनवणे कुटूंबातील आल्याची शेती यशस्वी झाल्याने परिसरातील युवक शेतकरी हा शेती पाहण्यासाठी शेतात गर्दी करत आहेत.