Beed Accident : अनेक वर्षांची मैत्री अपघाताने तुटली; भरधाव वाहनाच्या धडकेत दुचाकीवरील दोघांचा जागीच मृत्यू

योगेश काशिद, साम टीव्ही

बीड : राज्यात अपघाताचे सत्र सुरुच आहे. बीडच्या नेकनूर-येळंबघाट रस्त्यावर भरधाव वाहन आणि दुचाकीचा अपघात झाला. अज्ञात वाहनाच्या धडकेमुळे दुचाकीवरील दोन युवकांचा जागीच मृत्यू झाला. बीडमध्ये सोमवारी रात्री आठ वाजता भीषण अपघात झाला. बीडमधील भीषण अपघातामुळे रस्त्यावर स्थानिकांची एकच धावाधाव झाली.

मिळालेल्या माहितीनुसार, बीडच्या नेकनूरजवळ येळंबघाटकडे सोमवारी रात्री आठ वाजता दुचाकीला अज्ञात वाहनाने धडक दिली. या धडकेत दोन युवकांचा मृत्यु झाला. तर एकजण गंभीर जखमी झाला. जखमीवर बीड येथील रुग्णालयात उपचार सुरू आहेत.

बीडच्या नेकनूर येथील मिस्त्री काम करणारा युवक गणेश श्रीधर घरत (वय २९) याचा या अपघातात जागीच मृत्यू झाला. तर येळंबघाट येथील युवक पठाण अफजल पठाण अमजद (वय १७) याचा उपचारादरम्यान बीड येथे मृत्यू झाला. नेकनूर येथील बाबा कांबळे (वय ३८) हा गंभीर जखमी झाला आहे. ३८ वर्षीय बाबा कांबळेवर बीड येथील रुग्णालयात उपचार सुरू आहेत. पुढील तपास नेकनूर पोलीस स्टेशनचे कॉन्स्टेबल रतन निगुळे, उबाळे हे करीत आहेत.

वर्ध्यात डुक्कर आडवे आल्याने घात, मायलेकाता मृत्यू

वर्ध्यात डुक्कर आडवे आल्याने कारला अपघात झाल्याची घटना घडली आहे. डुक्कर आडवे आल्याने कार टँकरला धडकली. या अपघातात कारमधील दोघांचा जागीच मृत्यू झाला. तर दोघे गंभीर आहेत. समुद्रपूर वर्धा मार्गांवरील तरोडा शिवारात ही घटना घडली आहे. अपघातात माय-लेकाचा मृत्यू झाला. तर पती आणि मुलगी गंभीर जखमी झाले आहेत. प्रियंका प्रशांत वैद्य (वय 37),प्रियांश प्रशांत वैद्य (वय 8 वर्ष ) अशी मृतकांची नावे आहेत. तर प्रशांत मधुकर वैद्य (43 वर्ष ) आणि माही प्रशांत वैद्य (3 वर्ष ) अशी जखमींची नावे आहेत.