बारामती : दौंड तालुक्यातील पाटस येथे मस्तानी तलावात पोहायला गेलेल्या युवकाचा पाण्यात बुडून मृत्यू झाल्याची घटना घडली आहे. सात तास उलटूनही (Baramati) या युवकाचा मृतदेह सापडला नसुन स्थानिक ग्रामस्थांची शोध मोहीम सुरू आहे. शाहीद अन्सारी असे या बुडालेल्या युवकाचे नाव आहे. (Maharashtra News)
पुणे– सोलापूर महामार्ग लगत असलेल्या मस्तानी तलावात टायर पंचर काढणाऱ्या व्यवसायांची दोन तरुण हे मस्तानी तलावात पोहायला शिकण्यासाठी टायरची ट्युब घेऊन पोहण्यासाठी उतरले होते. तलावात काही अंतरात गेल्यावर दोघेही ट्युबवरून पाण्यात पडले. यामधील एका तरुणाला थोडेफार पोहता येत असल्याने तो पोहत बाहेर आल्याने तो बचावला. मात्र त्याचा जोडीदार हा पाण्यात बुडाला.
सहा तासानंतरही मृतदेह सापडेना
जोडीदारांनी याबाबतची माहिती ग्रामस्थांना सांगितली. यानंतर ग्रामस्थांनी व युवकांनी तत्काळ तलावात उडी टाकून त्याचा शोध घेतला. घटनेची माहिती मिळताच पोलीस हवालदार संजय देवकाते, पोलीस शिपाई टकले घटनास्थळी धाव घेतली. परिसरातील तरुणांनी मस्तानी तलावात त्या तरुणाचा शोध घेतला. मात्र सहा तास उलटूनही मृतदेह शोधण्यात अपयश आले आहे. दरम्यान, पुणे येथील आपत्कालीन पथकाला पाचारण करण्यात आले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.