Indapur Police : पैसे न देता ऊसतोड मजुरांना ठेवले डांबून; इंदापूर तालुक्यातील धक्कादायक प्रकार, तिघांविरोधात गुन्हा दाखल

Baramati News : इंदापूर तालुक्यातील ऊस तोडणीला आलेलय कामगारांना वेटीस धरून ठेवण्यात आले होते. हे सर्व कामगार संभाजीनगर जिल्ह्यातील कन्नड तालुक्यातील होते. लहान आणि मोठ्यांची संख्या एकूण ४१ होती
Indapur Police
Indapur Police Saam tv
Published On

बारामती : ऊसतोड मजूर कामानिमित्ताने एका ठिकाणाहून दुसऱ्या ठिकाणी जात असतात. मात्र ऊसतोडणी निमित्ताने इंदापूर तालुक्यात गेलेल्या मजुरांबाबत धक्कादायक बाब समोर आली आहे. तालुक्यातील रेडा गावात ऊस तोडणीसाठी नेण्यात आलेल्या मजुरांना नजरकैदेत ठेवून त्यांच्यावर अत्याचार करण्यात आल्याची गंभीर तक्रार नोंदवण्यात आली आहे. यात ४१ मजुरांची सुटका करण्यात आली आहे. 

इंदापूर तालुक्यातील ऊस तोडणीला आलेलय कामगारांना वेटीस धरून ठेवण्यात आले होते. हे सर्व कामगार संभाजीनगर जिल्ह्यातील कन्नड तालुक्यातील होते. लहान आणि मोठ्यांची संख्या एकूण ४१ होती. रघुनाथ धनाजी सोनवणे या मुकादमाने मजुरांना ऊस तोडणीसाठी पैसे देतो असे सांगून रेडा गावात पाठवले. मात्र, मजुरांचे पैसे न दिल्याने ते अडकून पडले. 

Indapur Police
Chandrapur Petrol Pump : नोटा दिल्या नाही म्हणून गाडीत भरलेले पेट्रोल काढले; पेट्रोल पंपावर दहा रुपयांचे नाणे नाकारले

तिघांविरोधात गुन्हा दाखल 

संजय पांडुरंग देवकर आणि विकास पांडुरंग देवकर यांनी त्यांना नजरकैदेत ठेवले. मजुरांना कुठेही जाऊ दिले जात नव्हते. इतकेच नाही तर या मजुरांच्या हालचालींवर सतत लक्ष ठेवले जात होते. या प्रकरणी संभाजीनगर जिल्ह्यातील नेवपूर येथील विष्णु नारायण गायकवाड यांनी सदर प्रकाराबाबत इंदापूर पोलिसांत तक्रार दाखल केली आहे. या तक्रारीनुसार रघुनाथ धनाजी सोनवणे, संजय पांडुरंग देवकर आणि विकास पांडुरंग देवकर यांच्या विरोधात विविध कलमान्वये गुन्हा दाखल करण्यात आला आहे.

Indapur Police
Fake Notes : एक कोटी रुपयांच्या नकली नोटा; भुसावळ रेल्वे स्टेशनवर पोलिसांच्या संशयातून कारवाई

४१ मजुरांची सुटका 

दरम्यान सदर प्रकाराबाबत जनसास फाउंडेशन नावाची संस्थेमध्ये एक केस रजिस्टर झाली. त्या केसच्या बेसिसवर संभाजीनगर येथील  जनसासच्या प्रतिनिधीकडून इंदापूरमध्ये कारवाई केली. या कारवाईमध्ये नजरकैदेत ठेवलेल्या ४१ ऊसतोड मजुरांची सुटका करण्यात आली आहे. यामुळे मजुरांनी सुटकेचा निश्वास सोडला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com