Chandrapur Petrol Pump : नोटा दिल्या नाही म्हणून गाडीत भरलेले पेट्रोल काढले; पेट्रोल पंपावर दहा रुपयांचे नाणे नाकारले

Chandrapur News : दुचाकीस्वार पंपावर पेट्रोल भरण्यासाठी गेला. पेट्रोल भरल्यानंतर संबंधित व्यक्तीने १० रुपयाचे ९ शिक्के दिले. मात्र, पंपावरील महिला कर्मचाऱ्याने दहा रुपयांचे शिक्के स्वीकारण्यास नकार
Chandrapur Petrol Pump
Chandrapur Petrol PumpSaam tv
Published On

चंद्रपूर : चलनात असलेले दहा रुपयांची नाणे घेण्यास नकार देत दुचाकीमध्ये भरलेले पेट्रोल पुन्हा काढून घेतल्याचा धक्कादायक प्रकार चंद्रपूरमध्ये घडला आहे. शहरातील हिंदुस्तान पेट्रोलियम कंपनीच्या पेट्रोल पंपावर एका ग्राहकासोबत झालेल्या वादाचा व्हिडिओ समाजमाध्यमांवर मोठ्या प्रमाणात व्हायरल झाला आहे. या प्रकारामुळे नागरिकांमध्ये तीव्र संताप व्यक्त केला जात आहे. 

चंद्रपूर शहरातील ताडोबा मार्गावरील बियाणी पेट्रोल पंपावरील हा प्रकार आहे. गाडीतील पेट्रोल संपल्याने एक दुचाकीस्वार या पंपावर पेट्रोल भरण्यासाठी गेला होता. पेट्रोल भरल्यानंतर संबंधित व्यक्तीने १० रुपयाचे ९ शिक्के दिले. मात्र, पेट्रोल पंपावरील महिला कर्मचाऱ्याने दहा रुपयांचे शिक्के स्वीकारण्यास नकार देत आमच्या पंपावर नाणी चालत नाहीत, फक्त रोकडच स्वीकारली जाते, असे सांगितले. 

Chandrapur Petrol Pump
Sangli: चारित्र्यावर संशय अन् संसारात विष! नवऱ्यानं बायकोचे हात - पाय मोडून पेटीत लपवले; मुलाने सांगितलं 'पप्पाच आरोपी'

नोटा नसल्याने गाडीतून काढले पेट्रोल 

मात्र ग्राहकाकडे नोटा नसल्याने कर्मचाऱ्यांनी त्याच्या वाहनातील संपूर्ण पेट्रोल काढून टाकले. पंपावर घडलेल्या या प्रकारचा व्हिडिओ सध्या समाजमाध्यमात व्हायरल झाला आहे. या प्रकारामुळे नागरिकांमध्ये तीव्र संताप व्यक्त होत असून पंप व्यवस्थापनाच्या या अडेलतट्टू धोरणाविरोधात तीव्र नाराजी निर्माण झाली आहे.

Chandrapur Petrol Pump
Wardha : बॉम्बने कार्यालय उडविण्याच्या धमकीचा मेल; वर्धा जिल्हाधिकाऱ्यांना अजमल कसाब नावाने आला मेल

कारवाईची होतेय मागणी 

भारतीय रिझर्व्ह बँकेच्या नियमानुसार देशातील कोणतेही वैध नाणे किंवा नोटा स्वीकारण्यास कोणीही नकार देऊ शकत नाही. मात्र, बियाणी पेट्रोल पंपावर हा नियम पाळला जात नसल्याचे घडल्या प्रकारावरून स्पष्ट झाले आहे. या घटनेनंतर नागरिकांनी पेट्रोल पंप मालकावर कारवाई करण्याची आणि संबंधित पंप बंद करण्याची मागणी प्रशासनाकडे केली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com