Buldhana News : संतापजनक! बँक मॅनेजरची अरेरावी, 'लाडक्या बहिणी' बॅंकेतच ढसाढसा रडल्या, VIDEO समोर

संजय जाधव, साम टीव्ही बुलढाणा

बुलढाणा जिल्ह्यामध्ये लाडकी बहीण योजनेचे पैसे काढण्यासाठी आलेल्या महिलांसोबत बँक मॅनेजरने अरेरावी केल्याची घटना समोर आलीय. बॅंक मॅनेजरच्या उद्धट वागणुकीमुळे मूकबधीर महिलेला अश्रू अनावर झाले होते. महिलांसह बँक ग्राहकांना उद्धट वागणूक देत असल्याचा बॅंक मॅनेजरचा व्हिडिओ देखील समोर आलाय. आपण या घटनेबद्दल सविस्तर जाणून घेवू या.

बॅंक मॅनेजरची उद्धट वर्तवणूक

राज्यात लाडकी बहिण योजनेचे पैसे खात्यात जमा झाले (Bank manager Video) आहेत. बँकेत पैसे काढण्यासाठी बॅंकेत महिलांची मोठ्या प्रमाणावर गर्दी होत असल्याचं दिसतंय. तर काही महिलांचे ई केवायसी राहिले आहे, ते करण्यासाठी देखील महिला बँकेत गर्दी करीत आहेत. दरम्यान बुलढाणा जिल्ह्यातील मलकापूर पांग्रा या गावातील स्टेट बँकेमध्ये देखील महिलांनी गर्दी केली होती.

बुलढाण्यातील संतापजनक प्रकार

मात्र, बँक मॅनेजरने महिलांशी हुज्जत घालित त्यांना अपमानीत (Ladki Bahin Yojana last Date) केलं. त्यांना उद्धट बोलला , त्यामुळे अनेक महिला रडताना (Buldhana News) दिसल्या. मॅनेजरने एका मूकबधीर महिलेला सुद्धा अपमानित केल्याने ती महिला ढसाढसा रडली, ही घटना कॅमेऱ्यात कैद झालीय. याची दखल घेत भाजपा प्रदेश प्रवक्ते विनोद वाघ यांनी तात्काळ बँक गाठली. त्यांनी बँक मॅनेजरची चांगलीच कान उघडणी केलीय .

घटनेचा व्हिडिओ समोर

ठिकठिकाणी बँक मॅनेजर महिलांना नाहक त्रास देत असल्याच्या असंख्य तक्रारी येत आहेत. बुलढाण्यात यावेळी बँकेत महिलांसह ग्राहकांनी एकच गर्दी केली होती. भाजप प्रवक्ते विनोद वाघ यांनी बॅंक मॅनेजरला चांगलेच खडेबोल सुनावले (Ladki Bahin Yojana) आहेत. आपण व्हिडिओमध्ये पाहू शकतो की, बॅंकेत महिलांची गर्दी झालेली आहे. बॅंकेत महिला रडत असल्याचं दृश्य देखील कॅमेऱ्यामध्ये कैद झालंय.