Railway Accident : अमरावती जिल्ह्यात रेल्वेचा मोठा अपघात २० डबे रुळावरुन घसरले

अमर घटारे -

अमरावती : अमरावती जिल्ह्यात मालगाडी रेल्वेचा मोठा अपघात झाला आहे. मुंबई -नागपुर मुख्य रुळावरील मालखेड ते टिमटाला स्टेशनच्या मधात गावाजवळ मालगाडीचे 20 डबे रेल्वे रुळावरून घसरले आहेत. या मालगाडीचा अपघात झाल्यामुळे मार्गावरील अनेक रेल्वे गाड्या रद्द करण्यात आल्या आहेत. तर काही गाड्यांच्या मार्गात बदल करण्यात आला आहे.

मिळालेल्या माहितीनुसार, काल मध्यरात्री मुंबई -नागपुर मुख्य रुळावरुन एक माल गाडी कोळसा घेऊन जात होती ती मालगाडीचे २० डबे मालखेड ते टिमटाला स्टेशनच्या मधात या गावाजवळ रेल्वे रुळावरून घसरले.

या मालगाडीचा अपघात झाल्यामुले अनेक रेल्वे गाड्या रद्द करण्यात आल्या आहेत. त्यामुळे या मार्गावरील अनेक गाड्या रद्द आणि उशिरा धावणार असल्यामुळे ऐन दिवाळीच्या तोंडावर प्रवाशांचे मोठे हाल झाले आहेत.