अकोट-अंजनगाव मार्गावर शिक्षकांची बस उलटली; अधिवेशन आटोपून परतताना घडला अनर्थ

अमरावती जिल्ह्यातील अकोट-अंजनगाव मार्गावर भीषण अपघात झाला आहे. शिक्षकांच्या बस उलटून अपघात झालाय. शेगाववरून शिक्षक अधिवेशन आटोपून परतताना बसचा अपघात झाला. या दुर्घटनेत १६ शिक्षक जखमी झालेत. यातील एकाची प्रकृती गंभीर आहे. हाती आलेल्या माहितीनुसार, बस चालकाने गतिरोधकावर चालकाने जोरात ब्रेक लावला. त्यानंतर चालकाचं बसवरील नियंत्रण सुटला आणि बस उलटली.

. या दुर्घटनेत १६ शिक्षक जखमी झाले असून त्यांना जखमींना अंजनगाव सुर्जी ग्रामीण रुग्णालयात दाखल करण्यात आले आहे. गंभीर जखमी शिक्षकाला पुढील उपचारासाठी अमरावती जिल्हा रुग्णालयात हलवले आहे.

आयशर टेम्पोची दुचाकीला धडक; शिक्षक गंभीर जखमी

चिपळूण तालुक्यातील सावर्डे डेरवण फाटा येथे मुंबई-गोवा राष्ट्रीय महामार्गावर रविवारी सायंकाळी भीषण अपघात झाला. आयशर टेम्पोने होंडा ॲक्टिव्हा दुचाकीला जोरदार धडक दिल्याने झालेल्या अपघातात दुचाकीस्वार शिक्षक गंभीर जखमी झाला आहे. शंकर पाटील (रा. सावर्डा भुवडवाडी) असे आहे.

मिळालेल्या माहितीनुसार, ही धडक इतकी भीषण होती की, दुचाकी टेम्पोच्या पुढील चाकाखाली अडकली. अपघातानंतर परिसरात एकच खळबळ उडाली. यामध्ये हे प्राथमिक शिक्षक गंभीर जखमी झाले आहेत. स्थानिक नागरिक आणि सावर्डे पोलीस तातडीने घटनास्थळी दाखल झाले. या अपघातामुळे मुंबई-गोवा राष्ट्रीय महामार्गावरील वाहतूक विस्कळीत झाली होती. पोलिसांनी तातडीने अपघातग्रस्त वाहने बाजूला करून वाहतूक सुरळीत केली.