Badnera Vidhan Sabha : बडनेरामधून भाजपचे तुषार भारतीय यांची बंडखोरी; उमेदवारीची कायम ठेवत राणांबद्दल केला खळबळजनक दावा

अमर घटारे 
अमरावती : अमरावती जिल्ह्यातील बडनेरा मतदारसंघात महायुतीमध्ये बंडखोरी कायम आहे. भाजप आमदार श्रीकांत भारतीय यांचे बंधू भाजप नेते तुषार भारतीय यांनी बंडखोरी करत उमेदवारी अर्ज कायम ठेवत अपक्ष निवडणूक लढण्याचा निर्णय घेतला आहे. त्यामुळे विद्यमान आमदार रवी राणा यांचा मोठा झटका बसला आहे. 

विधानसभा निवडणुकीत अर्ज माघारीचा आज अखेरचा दिवस होता. यात बहुतांश मतदारसंघातून बंडखोरी करणाऱ्या उमेदवारांनी आपली उमेदवारी मागे घेतली आहे. यामुळे मतदारसंघातील निवडणुकीतील लढतीचे चित्र जवळपास स्पष्ट झाले आहे. मात्र अमरावती जिल्ह्यातील (Badnera) बडनेरा मतदारसंघातून भाजपचे नेते तुषार भारतीय यांनी आपली अपक्ष उमेदवारी कायम ठेवली आहे. यामुळे या मतदारसंघात तिरंगी लढत होण्याचे जवळपास निश्चित झाले आहे. मात्र महायुतीची डोकेदुखी मात्र वाढली आहे. 

बंडखोरातील उमेदवार तुषार भारतीय यांनी रवी राणा (Ravi Rana) यांच्यावर टीका केली आहे. माझी उमेदवारी भाजप व बडनेरा मतदारसंघातील त्रस्त लोकांसाठी आहे. माझी बंडखोरी नाही, तर मैत्रीपूर्ण लढत आहे. मी लढणार व जिंकणार असं त्यांनी सांगितले. तर रवी राणा महायुतीचे उमेदवार नाही. तर भाजप व महायुती रवी राणांचा पाठिंबा काढणार असा खळबळजनक दावा तुषार भारतीय यांनी केला आहे. 

तसेच रवी राणा यांनी महायुतीच्या उमेदवाराविरोधात दर्यापूरमध्ये उमेदवार ठेवला आहे. बडनेरामध्ये पाठिंबा घेतला, तर मुख्यमंत्री एकनाथ शिंदे, उपमुख्यमंत्री देवेंद्र फडणवीस व अजित पवार हे लवकरच रवी राणा यांचा पाठिंबा काढणार असा खळबळजनक दावा भारतीय यांनी केला आहे.