Ladki Bahin Yojana: लाडकी बहीण योजनेसाठी महिलांची आर्थिक लूट; तलाठी पैसे घेतानाचा VIDEO व्हायरल

Viral Video of Talathi taking money for Chief Minister Majhi Ladaki Bahine Yojana: लाडकी बहीण योजनेचा अर्ज भरण्यासाठी महिलांची आर्थिक लूट केली जात असल्याचा प्रकार समोर आला आहे.
Ladki Bahin Yojana Latest Marathi News
Ladki Bahin Yojana Latest Marathi NewsSaam TV

अमर घटारे, साम टीव्ही

राज्य सरकारने अर्थसंकल्पीय अधिवेशनात मोठी घोषणा करत महिलांसाठी लाडकी बहीण योजना सुरू केली. या योजनेचा मोठा गाजावाजाही झाला. पण प्रत्यक्षात योजनेचे अर्ज भरताना महिलांना मोठ्या अडचणीचा सामना करावा लागतोय. तलाठी कार्यालयातील कर्मचारी अर्जासाठी महिलांकडून पैसे उकळत असल्याचं समोर आलं आहे.

Ladki Bahin Yojana Latest Marathi News
Manoj Jarange News: मनोज जरांगेंवर कुणाची पाळत? अंतरवाली सराटीत मध्यरात्री ड्रोनच्या घिरट्या, पाहा VIDEO

या संपूर्ण प्रकाराचा व्हिडीओ (Viral Video) देखील समोर आला आहे. मिळालेल्या माहितीनुसार, अमरावतीच्या (Amravati News) वरूड तालुक्यातील सावंगी गावात हा प्रकार घडलाय. गावातील तलाठी तुळशीराम कठाळे आणि त्यांच्या कार्यालयातील कर्मचारी हे अर्ज भरण्यासाठी लाभार्थी महिलांकडून ५० रुपये घेत आहेत, असा आरोप गावकऱ्यांनी केलाय.

दुसरीकडे जळगाव जिल्ह्यातील (jalgaon News) जामोद तालुक्यातल्या खेर्डा बुद्रुक येथील तलाठ्याने महिलांसोबत हुज्जत घालत अर्ज स्वीकारणे बंद केल्याचा प्रकार घडला आहे. माझी कुठेही तक्रार करा, मी तुमचे अर्ज घेणार नाही, असं म्हणत हा तलाठी थेट कार्यालय बंद करून निघून जाताना दिसून येतोय.

दोन्ही तलाठ्यांचे प्रकार समोर आल्याने प्रशासन नेमकं त्यांच्यावर काय कारवाई करतं? हे पाहणं महत्वाचं ठरणार आहे. दरम्यान, लाडली बहीण योजनेचा लाभ घेण्यासाठी गावागावातील महिला तलाठी कार्यालयात गर्दी करत आहेत. यामुळे तलाठ्यांना देखील मोठ्या अडचणींचा सामना करावा लागतोय, प्रशासनाने यावर काही उपाय काढावा अशी मागणी तलाठ्यांनी केली आहे.

लाडकी बहीण योजनेसाठी १ जुलैपासून महिलांना अर्ज करता येणार आहे. या योजनेअंतर्गत गरीब आणि होतकरू महिलांना प्रतिमहिना १५०० रुपयांची आर्थिक मदत केली जाणार आहे. ही योजना राबविण्यासाठी सरकारवर वर्षाला ४६ हजार कोटी रुपयांचा आर्थिक भार पडणार आहे. अर्ज भरण्यासाठी महिलांकडे आधार कार्ड, जात प्रमाणपत्र, रहिवासी प्रमाणपत्र, रेशन कार्ड, उत्पन्नाचा दाखला, बँकेचे पासबुक आणि दोन पासपोर्ट फोटो असणे गरजेचे आहेत.

Ladki Bahin Yojana Latest Marathi News
Ladki Bahin Scheme : लाडकी बहीण योजनेचा या महिलांना मिळणार नाही लाभ; अधिकाऱ्यांनी दिली महत्वाची माहिती

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com