मतदानाच्या आधीच मोठी राजकीय घडामोड; अमरावतीत भाजप आणि रवी राणा यांच्या पक्षाची युती तुटली

अमर घटारे, साम टीव्ही

अमरावती महापालिकेत मोठी राजकीय घडामोड घडली आहे. अमरावतीत भाजप आणि रवी राणांची युती तुटली आहे. युती तुटल्याने अमरावतीच्या राजकारणात मोठी खळबळ उडाली आहे. दोन्ही पक्षाची युती तुटल्याची माहिती भाजपच्या डॉ. नितीन धांडे यांनी दिली आहे.

भारतीय जनता पक्ष आणि आमदार रवी राणा यांच्या युवा स्वाभिमान पक्षाची अमरावती महानगरपालिका निवडणुकीत युती झाली होती. मात्र आता मतदानाला काही दिवस शिल्लक असताना ही युती तोडण्यात आली आहे. त्यामुळे भाजपने ज्या 6 जागा आमदार रवी राणा यांच्या युवा स्वाभिमान पक्षाला दिला होता.

स्वाभिमान पक्षाला पाठिंबा दिलेल्या 6 जागांवर भारतीय जनता पक्षाने अपक्ष उमेदवारांना पाठिंबा दिला अशी माहिती भारतीय जनता पक्षाचे भाजपचे जिल्हा अध्यक्ष डॉ. नितीन धांडे यांनी दिली आहे. भाजपच्या भूमिकेने अमरावतीचा राजकारणात खळबळ उडाली आहे.

औवेसींची रवी राणांवर टीका

खासदार असुद्दीन औवेसी यांनी महायुती आणि रवी राणांवर जोरदार टीका केली. औवेसी यांनी म्हटलं की, 'या निवडणुकीत आपल्या मतांचे विभाजन टाळा. सर्व समाजासाठी आपआपला नेता आहे. फक्त आपल्याकडे नेता नाही. आपण फक्त मतदान करतो, नेते आपण घडवत नाही. आपण फक्त मतदार राहाल तर आपले मुले जेलमध्ये राहतील. काँगेसचे लोक जिथ जिथे जातात, माझ्यावर टीका करतात. माझ्या पक्षावर टीका करतात. माझ्यावर आरोप करतात की भडकाऊ भाषण करतात. मोदींच्या नटाला ढिला करत आहे'.