Accident News : अमरावतीत भीषण अपघात! भरधाव कारने दुचाकीला उडवलं, तिघांचा जागीच मृत्यू

Amravati Belora Airport Midnight Accident 3 Dies अमरावतीच्या बेलोरा विमानतळ परिसरात भीषण अपघात झाला आहे. मध्यरात्री कार आणि दुचाकीची जोरदार धडक झाली. ही धडक इतकी भीषण होती की, तिघांचा जागीच मृत्यू झाला, तर तिघेजण गंभीर जखमी झाले आहेत. जखमींना जवळच्या रुग्णालयात उपचारासाठी दाखल करण्यात आले आहे. घटनेची माहिती मिळताच पोलीस घटनास्थळी दाखल झाले. या अपघातात कार आणि दुचाकीच मोठं नुकसान झालं आहे. दरम्यान घटनास्थळी नेमकं काय घडलं? याचा तपास पोलीस सध्या करत आहेत. दरम्यान या दुर्घटनेत मृत झालेल्या तरुणांच्या कुटुंबियांवर दुःखाचा डोंगर कोसळला आहे.

पुण्यात भीषण अपघातात फुटबॉलपटूचा मृत्यू

पुण्यामध्ये भीषण अपघातामध्ये १९ वर्षीय राष्ट्रीय फूटबॉलपटूचा दुर्दैवी मृत्यू झाला. पुण्यातील कोंढवा परिसरात ही घटना घडली. महंमदवाडी हद्दीतील क्लाऊड नाइन परिसरात रविवारी सायंकाळी ५ वाजताच्या सुमारास हा अपघात झाला.

कसा झाला फुटबॉलपटूचा अपघात?

दुचाकीला टँकरने पाठीमागून जोरदार धडक दिली. ही धडक इतकी जोरदार होती की दुचाकीवरील फुटबॉलपटू खाली पडला. त्यानंतर टँकरच्या चाकाखाली आल्यामुळे या फुटबॉलपटूचा मृत्यू झाला. आरिफ शेख असे मृत तरुणाचे नाव होते. आरिफ शेख फुटबॉल चॅम्पियन होता. तो कोंढव्यातील पारगेनगरमध्ये राहत होता.