Leopard Attack: लेकरासाठी आईची जीवाची बाजी; दोन हात करत बिबट्याला पांगविले

आंबेगाव (पुणे) : पोटच्या मुलासाठी आई काय करू शकते याचा प्रत्यय आंबेगाव (Ambegaon) येथे आला. बिबट्याच्या (Leopard) हल्ल्यात लेकराला गमवावे लागेल या विचारातून आपला जीव गेला तरी चालेल पण लेकराला वाचवू; या भावनेतून जीवाची पर्वा न करता माता बिबट्याशी लढायला आली व मातेपुढे बिबट्याने धूम ठोकली. (Latest Marathi News)

आंबेगाव तालुक्यातील थोरांदळे येथे मेंढपाळाच्या कळपाजवळ खेळत असलेल्या चिमुकल्या मुलावर बिबट्याने जीवघेणा (Leopard Attack) हल्ला केला. तेवढ्यात आईनं पोटच्या लेकराला वाचविण्यासाठी केलेल्या आक्रोशामुळे अखेर बिबट्याने धुम ठोकली. मात्र सात महिन्याचा चिमुकला बिबट्याच्या हल्ल्यात जखमी झाला आहे. त्याच्यावर मंचर येथील उपजिल्हा रुग्णालयात उपचार करण्यात येत आहेत. 

परिसरात बिबट्याचा वावर 

गेलय काही दिवसापासून या परिसरात बिबट्याचा वावर वाढला आहे. शिवाय बिबट्याच्या हल्ल्याच्या घटनांमध्ये देखील मोठ्या प्रमाणात वाढ झाली असून या बिबट्याचा तातडीने बंदोबस्त करण्याची मागणी स्थानिक नागरिकांकडून केली जात आहे.