Nitin Deshmukh on Chandrashekhar Bawankule: 'बावनकुळे मतिमंद', उद्धव ठाकरेंवरील टीकेवर नितीन देशमुख संतापले

MLA Nitin Deshmukh on Chandrashekhar Bawankule: ''चंद्रशेखर बावनकुळे (Chandrashekar Bawankule) हे स्वतः मतिमंद आहेत'', असं म्हणतं ठाकरे गटाचे आमदार नितीन देशमुख यांनी बावनकुळेंवर खोचक टीका केली आहे.

उद्धव ठाकरे यांनी उपमुख्यमंत्री देवेंद्र फडणवीस यांच्यावर नागपूरला कलंक, अशी टीका केली होती. भाजप प्रदेशाध्यक्ष चंद्रशेखर बावनकुळे यांनी उद्धव ठाकरेंवर हल्लाबोल करत जर फडणवीसांवर बोलाल तर नागपूरची जनता ठाकरेंना जोडे मारेल, असं म्हटलं होतं. त्यांच्या या टीकेनंतर नितीन देशमुख हे आक्रमक झाले आहेत.

त्यांनी बावनकुळे यांना मतिमंदाची उपमा दिली आहे, तर तुम्ही उद्धव ठाकरे यांना जर चपलांनी मारण्याची भाषा कराल तर आम्ही शिवसैनिकांनी काही बांगड्या भरल्या नाहीत, असं म्हणतं ठाकरे गटाचे आमदार नितीन देशमुख यांनी बावनकुळे यांना टोला लगावला आहे.

राष्ट्रवादी तुमच्या बाजूने बसण्या अगोदर ज्या पंतप्रधानांनी एका भाषणाद्वारे राष्ट्रवादीवर 70 हजार कोटीचा घोटाळा केल्याचा आरोप लावला होता, त्याच्या तिसऱ्या दिवशी राष्ट्रवादी तुमच्या सोबत आली, शपथविधी झाला मग हा महाराष्ट्राला कलंक नाही का?, असं देशमुख म्हणाले आहेत.

ज्या राष्ट्रवादीवर तुम्ही 70 हजार कोटींचा घोटाळ्याचा आरोप लावला होता आणि त्यानंतर सत्ता स्थापन केली मग तुम्ही केलेल्या राष्ट्रवादी वर या आरोपाला नेमकं आम्ही म्हणायचं तरी काय? असा प्रश्न राज्यातील प्रत्येक तरुणाला विचारण्याचा अधिकार आहे, असंही ते म्हणाले आहेत. (Latest Marathi News)

हा कलंक पंतप्रधानाने या महाराष्ट्राला लावलेला आहे. तुम्ही लावलेला आहे, असं म्हणत उद्धव ठाकरे जे काही बोलले ते योग्य बोलले. तुम्ही जर चपला मारण्याच्या गोष्टी कराल तर आम्ही काही बांगड्या भरल्या नाहीत, अशी प्रतिक्रिया आमदार नितीन देशमुख यांनी दिली आहे.