अक्षय गवळी, साम टीव्ही
अकोला पोलिसांच्या स्थानिक गुन्हे शाखेने 500 रुपयांच्या बनावट नोटा चलनात आणण्याचा प्रयत्न करणाऱ्या रॅकेटचा पर्दाफाश करत तिघांना अटक केली आहे. या कारवाईत 500 रुपयांच्या एकूण 194 बनावट नोटा जप्त करण्यात आल्या असून त्यांची एकूण किंमत 97 हजार रुपये आहे.
पोलिसांनी दिलेल्या माहितीनुसार, अकोला जिल्ह्यातील गुडधी आणि मूर्तिजापूर परिसरात बनावट नोटा चलनात आणण्याचा प्रयत्न सुरू असल्याची माहिती मिळाल्यानंतर स्थानिक गुन्हे शाखेने सापळा रचला. त्यावेळी चंदन भीमराव घांडोरे हा तरुण बाजारात 500 रुपयांच्या बनावट नोटांसह फिरताना आढळून आला. त्याला ताब्यात घेतल्यानंतर चौकशीत आणखी दोघांचा सहभाग समोर आला.
यानंतर पोलिसांनी मूर्तिजापूर येथून जहीरोददीन जबीरोददीन आणि विठ्ठल वारोकार यांना अटक केली. या तिन्ही आरोपींकडून 500 रुपयांच्या 194 बनावट नोटा जप्त करण्यात आल्या. प्राथमिक तपासात या बनावट नोटा बुलढाणा जिल्ह्यातून अकोल्यात आणण्यात आल्याची माहिती समोर आली आहे. अटक करण्यात आलेल्या तिघांपैकी दोघे गुडधी (ता. अकोला) येथील रहिवासी असून एक जण मूर्तिजापूर तालुक्यातील रहिवासी आहे.
या प्रकरणाचा पुढील तपास अकोला पोलिसांकडून सुरू असून या रॅकेटमध्ये आणखी कोणाचा सहभाग आहे का, तसेच बनावट नोटांचा पुरवठा नेमका कुठून होत होता, याचा शोध घेतला जात आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.