बैलगाडा शर्यतीच्या टोकन फी परत न करणा-या घाटात बैलगाडा धावणार नाही अशी ठाम ठाम भूमिका आज अखिल भारतीय बैलगाडा संघटनेने जाहीर केली. हा निर्णय बैलगाडा मालकांच्या हितासाठी घेतल्याचे संघटनेने नमूद केले. (Maharashtra News)
बैलगाडा शर्यतीच्या निकषात सुप्रिम कोर्टाकडून शर्यत संपल्यावर टोकन फी परत करण्याच्या सुचना करण्यात आल्या आहेत. मात्र बैलगाडा शर्यतीचे आयोजन करणारे आयोजक बैलगाडा मालकांना टोकन फी परत करत नाही. २ हजार ते ५ हजार रुपयांपर्यंत बैलगाडा मालकांची टोकन फी वर आयोजक डल्ला मारतात अशा तक्रारी अखिल भारत बैलगाडा संघटनेस प्राप्त झाल्या.
यावर आखिल भारतीय बैलगाडा संघटना आक्रमक भुमिकेत आली. दरम्यान आयाेजकांनी टोकन फी परत करणार नसल्याचे ठामपणे सांगितल्याने बैलगाडा शर्यती भरविण्यावरुन पुन्हा वाद निर्माण होणार की काय असा प्रश्न उपस्थित झाला.
दरम्यान यानंतर संघटनेने घेतलेल्या बैठकीत बैलगाड्याचे आयोजन करताना अल्प टोकन फी आकारणी करुन टोकन फी परत (token fee for bailgada sharyat) केलीच पाहिजे असा निर्णय घेतला. यापुढे वैयक्तिक स्वार्थासाठी बैलगाडा शर्यतीला व्यवसायिक स्वरुप दिलं जाणा-या यात्रेत बैलगाडा शर्यती भाग न घेण्याचा एकमुखी निर्णय देखील आखिल भारतीय बैलगाडा संघटनेच्या बैठकीत घेण्यात आला. याबाबतची माहिती संघटनेचे अध्यक्ष रामकृष्ण टाकळकर यांनी साम टीव्हीशी बाेलताना दिली.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.